ضد التغييب والتعتيم
رئيس مجلس الإدارة والتحريرعبد النبي عبد الستار
الكاتب الصحفى الكبير هشام شاهين يكتب : الأسطورة مجدى يعقوب الكاتب الصحفى عاطف دعبس . يكتب عن :  ”رأس الحربة ” فى حرب الشائعات  ليلة روسية رائعة علي شاطئ النيل محمد الشافعى يرصد ابعاد القمة المصرية - الإماراتية إجتماع ثلاثى مصرى -سودانى -أثيوبى فى أديس أبابا حول سد النهضة الهداف أسامة فيصل يقود شباب الزمالك ﻷكتساح الاتحاد فى الاسكندرية الشاعرة نجوى زكى تكتب : فى رهف الحب وعلى ابتسامة الأمنيات وفاء الحداد تكتب : اقصى أحلام النساء مشروعات فنية و ثقافية جديده بين مصر وايطاليا  ضبط مزارع وبحوزته 39 قطعة أثرية بالمنيا ”إنتحار موظف بجذع شجره بسبب مروره بأزمة نفسيه سيئه بكفر الشيخ” تسليم الجثث المجهولة من ضحايا حريق التسرب البترولى بالبحيرة

مقالات

الكاتب الصحفى الكبير هشام شاهين يكتب : الأسطورة مجدى يعقوب

الكاتب الصحفى هشام شاهين
الكاتب الصحفى هشام شاهين

اليوم السبت الموافق 16/11/2019 عيد ميلاد الاستاذ الدكتور مجدي يعقوب اطال الله عمره وبارك الله في صحيه 
بمناسبه هذا اليوم العظيم والذي ولد فيه هذه الشخصيه العظيمه والاسطوريه .
أود أن انشر كلمه او قصه قصيره رواها هذا الرجل العظيم الذي لا يتكرر لكي تكون عظه لشبابنا العظيم مستقبل مصر والايام القادمه

         ( نص الروايه)

انا الدكتور يعقوب استاذ دكتور امراض القلب والاوعيه الدمويه..
 من عشرين سنه بالظبط زى النهارده كان عندى مؤتمر مهم جدا فى انجلترا..
اشتغلت كتير واستنيت كتير اليوم ده وكنت مستعد ومجهز جدااا ليه.
ليله سفرى لانجلترا مكنتش عارف انام من كتر التوتر والفرح لكن ضغطت على نفسى علشان لازم اصحى بدرى لانى عندى طياره الصبح بدرى .
يوم السفر الصبح للاسف صحيت متاخر على المعاد اللى المفروض اقوم فيه .. اتصدمت جدااا وبدات اجهز نفسى بسرعه كبيره علشان لازم لازم الحق معاد الطياره معرفش لبست هدومى ازاى واخدت شنطى ونزلت جرى ادور على تاكسى ياخدنى المطار لكن للاسف مفيش..
اضطريت اخد عربيتى وقولت هبقى اكلم حد من اصحابى ياخدها من المطار .
ركبت عربيتى وبدات اطير وانا مش قادر افكر فى احتمال ان ممكن الطياره تفوتنى..
 رفعت عينى للسما وقولتله يارب انت عارف تعبى علشان يوم زى ده وانتظارى ليه.. وانا عارف انك امين وانى مش ههون عليك تكسر بخاطري..
لكن للاسف فجاه لقيت الطريق واقف قدامى مبيتحركش لان فى حادثه كبيره اوى حصلت على اول الطريق اللى انا فيه فكرت انزل من العربيه واجرى لكن لقيت ان اللى بفكر فيه مش هينفعني بحاجه ابدا.
رفعت عينى للسما وانا غضبان ومستاء وقولتله ليه كده يارب ليه ؟؟؟!!!! 
فضلنا كلنا مستنين فى عربيتنا والطريق واقف مبيتحركش . من كتر مازهقت طلعت من العربيه ووقفت جنبها وفجأه شوفت المشهد ده..
عماره من العمرات اللى كانت حوالينا فيها واحد بيوضب شقته جايب شكاير اسمنت كتير اوى ومكنش لاقى حد يطلعهاله. فراح اتفق مع شاب حوالى 16 سنه كان بيبيع مناديل على الرصيف انه يطلع له الشكاير دى وهو يظبطه يعنى . الشاب فرح ووافق وفضل يطلع فى الشكاير لحد ماطلع عينه وخلصهم.
جه الشاب بقى مستنى اجرته راح الراجل مطلع عشرين جنيه وادهاله .. الولد شاف المبلغ اتجنن  وعلا صوته وقاله ايه ده يااستاذ اعمل بيهم ايه دول .. انا عاوز 100 جنيه .
الراجل ضحك بسخريه  وقاله 100 جنيه ايه يابنى انت اتجننت هو انا بقبض كام 100 جنيه !!!! المهم بعد ماشدوا قصاد بعض وزعقوا الراجل قالوا هى 20 جنيه تاخدها ولا تمشي..
الولد بص للراجل بمنتهى الزعل وقاله عارف انا مش بلوم عليك.. انا بلوم على اللى خلقنى ونسانى ورمانى فى الشارع. اللى ظلمنى ربنا مش انت وانا مش مسامحه.... 
طبعا انا استغربت اوى من الكلام حاشا اننا نقول كده على ربنا .. الله ليس بظالم..
 لكن فكرت شويه مع نفسى وقولت ايه اللى وصل الشاب ده لكده؟؟!! ظلم ربنا!!! حاشا حاشا... 
انا كمان زعلان ومضايق وواخد على خاطرى لكن دايما عندى ثقه ان فى سبب وحكمه للى بيحصل واكيد لخير لى . وقعدت افكر ايه اللى وصل الشاب ده لكده ؟؟!!
اللى خلي الشاب ده يوصل للمرحله دى هو الظلم اللى اتعرضله.. وهو لسه ايمانه مش قوى لسه مااختبرش ايمانه  الخبره اللى تخليه رغم كل شى يمسك في حب ربنا . 

وبما انى كده كده واقف قولت اروح اشوف الشاب ده .طبعا مكانش طايق كلمه ولا سلام منى وطلب انى اسيبه فى حاله..
لكن الصراحه مقدرتش امشى واسيبه خصوصا بعد مالقيته بيبكى جامد... وبيحاول يدارى دموعه منى... قعدت جنبه على الارض... وبعد محاولات نصفها فشل... بدأ يكلمنى عن حياته. ابوه اللى انفصل عن امه ورماهم ومشى... وامه اللى اتجوزت وجوزها مش عاوزه ... 
ولما عرف انى دكتور ابتسم ... وقالى انه فى اولى ثانوى وانه بيبيع مناديل علشان يصرف على دراسته لان حلمه انه يكون دكتور ...
اخدته فى حضنى وقولتله ربنا بيحبك ... امسك فيه لانك معاه.. تقدر تحقق حلمك...
 اللى ظلمك ناس متعرفش ربنا حقيقى.. 
ربنا جابك الدنيا اداك حياه وحررك.. امسك فيه علشان تحقق احلامك .
كان بيسمعنى بس ماعتقدتش انه اقتنع اوى بكلامى ..وبعد3 ساعات الطريق اتفتح اخدت عربيتى وطرت على المطار فى رجاء اخير منى تكون الطياره اتاخرت لاى سبب لكن للاسف اول ماوصلت عرفت انها طلعت فى معادها