ضد التغييب والتعتيم
رئيس مجلس الإدارة والتحريرعبد النبي عبد الستار
الدكتورة مارى جرجس رمزى تكتب : الشاي أبو فتلة الزمالك يرتدى الزى الرسمى الأبيض أمام الترجي التونسي إرتفاع عدد المصابين بفيروس كورونا داخل سفينة يابانية إلى 218 حالة الاهلى يقترب من الاباتشى مقابل 5مليون دولار بتمويل من ترك آل شيخ جماهير الزمالك تطلق هاشتاج جديد باسم “السوبر هدية للعشرين” هاني النقراشي يكتب: جامعة فريدة من نوعها الكاتبة الصحفية رباب فودة تكتب : عيد الحب فى ايام الغلب تنتحر بـ (سم فئران) بسبب خلافات زوجية حركة تنقلات داخلية لضباط مباحث القليوبية حسم موقف شيكابالا من المشاركة فى مباراة السوبر الإفريقى صباح غد الأهلى يتخلى عن كهربا فى ازمته السفارة الصينية فى بغداد تنفى اصابة موظفيها بفيروس كورونا

مقالات

الدكتورة مارى جرجس رمزى تكتب : الشاي أبو فتلة

الدكتورة مارى جرجس رمزى
الدكتورة مارى جرجس رمزى

اسمحولي المرة دي أخلي مقالي بالعامية
فاكرين مسرحية الهمجي لما محمد صبحي أخد مراته (سعاد نصر (حورية)) وراحوا يزوروا صديقه الثري اللي قابله بالصدفة بعد سنين عمر طويلة
افتكرت مشهد جبار ممكن يكون مَّر على آلاف من الناس مرور الكرام كده من غير ما ياخدوا بالهم إنه  وصف دقيق جداً لجزء كبير من أسباب فشلنا على كافة المستويات الفردية والأسرية والاجتماعية واستحقاقنا للقب العالم التالت بكل جدارة لأن اصلاً مفيش لا رابع ولا  خامس

المشهد  كان  لما الخَدَّام ( احمد ادم) قَّدِم الشاي والكيك ل (محمد صبحي وسعاد نصر) 
أول حاجة عملتها (سعاد نصر او حورية) إنها بصت لفنجان الشاي اللي فيه فتلة ووطت بمنتهى النصاحة على ودن جوزها الأغبي منها _واللي طول المسرحية عامل نفسه أبو العُرِيف وفيلسوف الغَبرة _وقالت له
ادم... مرات صاحبك مش نضيفة وفيه فتلة ف كوباية الشاي 
طبعا كان من جراء التصريح اللوزعي اللي اكتشفته الست الجاهلة إن جوزها رد وقال
متكسفيهاش يا حورية وداريه ف أي حته
طبعا الست راحت شده الفتلة ودفستها تحت الكنبة اللي قاعدة عليها ولا من شاف ولا من دري
وهما الاتنين قاعدين في منتهى الثقة والاعتداد بالنفس وعلى يقين تام إنهم الأنضف واللي بيفهموا وكمان ستروا على وساخة وخيبة الناس التانية

المشهد ده جبار... جبااااار وبيتكرر بصورة شبه لحظية مش يومية بس... وبيتناسب تكراره مع معدل تخلف المجتمع وتضخم الطبقة المسماة بحشوة او بطانة المجتمع

هتلاقي في أي تجمع كثير العدد بدون قيمة او هدف نبيل حقيقي... منين ما بالصدفة يظهر حد حقيقي صح او بيعمل حاجة فعلا حقيقية نفس الattitudeبتاع سعاد نصر
واللي جدتي زمان وصفته بجملة ساحقة ماحقة في قوة سخريتها الفلسفية وقالت :حمار ومتعافي
أو قرعة ودُخلِتها الضهر
ده فعلا حال المجتمعات الضايعة لما بالغلط يقع في سكتها حاجة نضيفة ومحترمة بسبب جهلهم و ضحالة عقلهم

الكارثة الأكبر لما المشهد ده يتعمل بالقصد  استغلالاً لجهالة الأغلبية وعن قصد بسبب الغيرة والإحساس بالدونية والخوف بل الرعب من المقارنة الحيادية
فاكرين دكتور مجدي يعقوب لما أستاذه اللي طالع بالحفظ والصَّم قاله إنت ظلمك اللي دخلك كلية الطب... وكان سبب إنه هاجر تماماً بره مصر... ده صورة من صور سعاد نصر اللي مش مدركة إن الفتلة دي أرقى صورة من صور تقديم الشاي لأن هي اصلاً ما توعاش عليها وآخرها غُسَالة الشاي اللي طلعان عين أبوه غليان سبعين مرة... بالظبط كده... وتدور الايام ويبقى مجدي يعقوب السير أعظم وامهر جراح قلب ف العالم... كَرَّمُه ملوك اكبر وأعرق وأعظم بلدان العالم... وتُقَع بنت عمنا الدكتور اللي قاله انت متنفعش تكون دكتور في حالة حرجة لعمل جراحة قلب خطيرة وميقدرش يرجعها للحياة ويشفيها(بأمر الله) إلا الدكتور مجدي يعقوب

يا أمة ضحكت من جهلها الأمم ومجتمع أجهل من دابة... لما تكون إمكانياتك إمكانيات سعاد نصر ولامم حواليك بطانة مجتمع أغلبها ضايعةشبهك... عينك ما تترفعش عن حاجبك واعرف منطقتك كويس لأنك لو حطيت راسك تحت ورجلك فوق مش هتقنع الناس المحترمة العاقلة الفاهمة ان غُسَالة الشاي المغلي الهلكانة هي الصح وكيس الشاي ابو فتلة غلط

إذا بليتم ف استتروا حتى لو كنا في زمن محمد رمضان اللي لامم حواليه امم من بطانة المجتمع الضايع..

كفياكم شرب منقوع الصورم اللي جايبلكم سرطان العقل والجسم والروح
ونصيحة جربوا تشربوا الشاي اللي معمول بالكيس الشاي ابو فتلة