ممدوح ركيبة يكتب : احبكم اهل بلدى
الجارديان المصريةأرجع بسرعه ياحوت
وألبس كمامه وبوت
وأبعد عن الجنيه
وأسحب وعدى وفوت
هتعوم فى شبرين ميه
وتقول أنا فلوط
هتروح فين دول غيلان
وأنت يادوب كتكوت
أخرج من المعركه
كسبان يادوب شلوت
أحسن ماتخسر مالك
أرجع لعقلك ياحوت
واللى كسبته فى سنه
يروح منك فى لحظه
بالزقله والنابوت
ويرجعوك لعيالك
محمول فى قلب تابوت
هم اللى لازم يكسبوا
بالقايمه والسحتوت
وكله لازم سكوت
أدفع تدفع لك الحياة
ومن خرم أبره تفوت