الدكتور عادل القليعى يكتب : آه يازمان العبر

آه يا زمان العبر
سوق الحلاوة جبر
قولي، أخبرني
هو فعلا جبر
ولا لسه فيه مكان لينا
نكمل مشوارنا وإلا انتهينا
و نفضها سيره.
نلم أورقنا ونقفل عليها.
قول وما تخبيش علينا
تعبنا من طول الإنتظار
ليلنا أصبح نهار
بنفتكر إللي فات
وبنفكر فى إللي جاي
قول يا زمن إيه الحكاية
في إيه
الطيبين راحوا وين
رحلوا وسابونا لمين
أخدوا معاهم الحنين
تركوا لينا الأنين
إيه إللي قلب الحال
الحلم أصبح محال
ولا لسه فى مجال
قولي إيه مالك
معاند معانا ليه
مذاكرة وذاكرنا
شهادات وأخدنا
ولا أصبح العلم فى الراس
آه يا زمان العبر
لسه في عبر
ولا انتهى الخبر
أيامنا فيك متشابهات
النهاردة زي بكرة زي امبارح
وامبارح عدى وفات
وإحنا زي ما إحنا
هو هو المكان
هي هي الوشوش
ما فيش جديد
قول يا زمان ما تخبيش
إحنا صح ولا
إحنا لسه لينا مكان
ولا ولى وفات
قول يا زماني
احكيلي وهات
إحنا هنكون غنوة جميلة
ولا لحن حزين
هنكون قصيدة فى ديوان الزمان
هيخطه بايده أديب وشاعر
ويلحنها ويغنيها فنان
ويسمعها كل إنسان
يقول الله يرحمك كان
في زمان إنسان
بيحب الخير للإنسان
أفنى عمره في خدمة الإنسان.
قول لى يا زمان
صح أنا ولا غلطان
أخبرني بربك ولا تخجل
لا تتركني هملا
هل أنا فعلا إنسان
أم شبه إنسان
اسمعني صوتك ها أنا
أسمعك بكل كياني
بوجودي
بعلمي
بعملي
بصلاتي
بقرآني
أسمعك وتسمعك كتاباتي
مقالاتي ، مؤلفاتي
مناقشاتي ، مناغشاتي
أسمعك هل أنا صح
أم إنسان
أفنى عمره
يلهث خلف سراب.
آه يا زمان العبر
لسه في حتة حلاوة
ولا سوقك جبر
إن كنت أنت جبرت
فربي جبره لا يزل.