الكاتب الكبير عبدالسلام بدر يكتب: ذهَب الحياء .. وساءت التربية !!

لم يَعُد هناك من يقول لابنه أو لابنته : كده عييييب .

فالأهل بعضهم لا يعرف الفرق بين العيب والمسموح .

ومع قلة الحياء لا ترجو من النشء قوة للدفاع عن الأرض والعرض .. ولا تأمل منه في عزيمة للعمل والبناء .

عندما نفرح بالفشل . ونرقص قبل نتائج اختبارات الدراسة فالأمر جد خطير .

حوار قصير :
الام : جيتي يالولو ؟
لولو : ايوه ماما .
الأم : أمال اتأخرتي ليه النهاردة . قلقت عليكي .
لولو. : معلش ياست الكل اصلنا اتجمعنا بعد الامتحان قدام اللجنة..
الام : كنتو بتراجعوا الامتحانات مع بعض؟
لولو : لا ياماما بنراجع ايه . احنا كنا بنهيص ونرقص .
الأم : طيب مش تستنوا لما النتيجة تظهر واللي ينجح يبقى يهيص ويرقص في بيتهم .
لولو : نتيجة ايه ياقمر . ماتظهر ولا متظهرش مش مهم .
الام : ازاي بأه يالولو . ده مستقبلك يابنتي .
لولو : مستقبلي ياماما في الجواز .
الأم : طيب يابنتي هو حد هيتجوز واحدة واقفة ترقص في الشارع .
لولو. : يوووه ياماما . ههههه دا هو اللي كان بيطبلي ..

وعندما يحدث نفس المشهد في كل المحافظات تقريبا ( رقص على الطبل والمزمار ) في توقيت واحد فهذا يعني ان هناك من دبَّر ذلك وحرَّض عليه وأراد لمصر انهياراً أخلاقياً يمهد لانهيارها في باقي المجالات ولا يمكن ان يكون ماحدث مصادفة .

فهل سيمر هذا الأمر دون التفات وطرح تساؤلات ومعرفة من وراء ذلك ؟ .
نسأل الله السلامة