الثلاثاء 16 يوليو 2024 01:11 مـ
الجارديان المصرية

رئيس مجلس الإدارة ورئيس التحرير عبد النبى عبد الستار

توك شو

رامي صبري : صوتي اتغير وشعري وقع لما شوفت أخويا بالكفن

رامي صبري
رامي صبري

كشف الفنان رامي صبري العديد من أسرار حياته، والأزمات التي مر بها خلال الفترة الماضية، حيث أشار الفنان إلى أن حياته انقلبت رأسًَا على عقب بعد أن رحل شقيقه الأصغر كريم، ورأه في الكفن لحظة دخوله القبر، إذ أكد أن هذا المشهد لن يمحى من ذاكرته، وكانت تلك هي الأزمة الكبرى التي مر بها في حياته، ومن بعدها أصبح شخصًا زاهدًا في الحياة.

ونستعرض لكم ابرز تصريحات رامي صبري خلال لقاء تلفزيوني له:

ـ مكنتش مستوعب وفاة أخويا ولما حصلت طلع لي شعر أبيض في دقني وصوتي أتغير وجزء من شعري وقع وزرعته.

ـ فضلت مصدوم بعد الوفاة لكن مبكتش غير وأنا بدفنه.. مقدرتش أستوعب الوفاة وصدقت لما جه تحت رجلي لحظتها لمست الموت.

ـ المفروض ابقى في المكانة اللي استحقها، وأكون النجم الأول.

ـ أغنية حياتي مش تمام ويمكن خير نجاحها أسطوري.

ـ النجاح مش مضمون لكن الإحباط ملوش علاقة بيا.. أنا بشتغل من وأنا عندي 17 سنة.

ـ في ناس مكانوش نجوم ولما راحوا السعودية بقوا نجوم.

ـ أنا بروح السعودية 3 مرات في السنة الجمهور السعودي مش طبيعي كل حفلاتهم ناجحة واي حد بيروح هناك بينجح.

ـ نفسي يبقا في كل بلد واحد زي تركي آل الشيخ، لو حصلت الوطن العربي هيبقا في مكانة تانية.

ـ الموضوع مش فلوس هي السعودية بس اللي فيها فلوس؟!.

ـ أنا المطرب الوحيد في مصر اللي بسجل حفلاتي بدفع فيها فلوس كتير.

ـ عمرو دياب عنده إصرار على النجاح.. ومبحبش حد يقولي أنت بتقلده.

ـ مينفعش يتقال عليا سارق.. وبطالب عمرو مطصفى بالاعتذار لي.

ـ إحنا نجوم بنمثل بلادنا ولازم ناخد بالنا من كل كلمة بنقولها.

ـ الحب الأول في حياتي كان لبنت توفت وتاني حب كانت علاقة عابرة لكن بعدها جت زوجتي.

ـ أنا عمري ما شوفت نفسي نجم ولا ينفع أشوف نفسي نجم أنا فنان.

ـ تعرضت للخيانة من زمايلي في الشغل.

ـ مركز في شغلي لأكون مطرب مصر الأول.

رامي صبري الفنان رامي صبري شقيق رامي صبري وفاة شقيق رامي صبري الجارديان المصرية