نجم الأهلي السابق ينتقد محمد هاني بتصريحات قوية

انتقد محمود أبوالدهب نجم الأهلي السابق المستوى الذي يقدمه محمد هاني، لاعب الأهلي، مؤكدًا أن عمر كمال عبدالواحد أفضل منه.

وقال محمود أبوالدهب، نجم الأهلي السابق، في تصريحات عبر قناة «الشمس»: «أنا بتكلم عن محمد هاني، أنت خايف ليه؟، ألعب روح، متخافش وشوط على الجون، لكن في خوف ليه؟ أنت بتلعب بقالك 10 سنين في الأهلي».

وأضاف: «مينفعش كل سنة يون عندك لاعب مدافع في الناحية اليمين وعليه انتقادات، وعمر كمال أفضل منه كتير، بيعمل الحتة الهجومية بشكل كويس جدًا».

وأكمل: «عمر كمال بيهاجم كويس وبيدافع كويس. المدرب لما يلعب ضد فريق عنده لاعيبة كويسة بيلاعب اللي بيدافع كويس اللي هو محمد هاني، لكن عندي ميزة في عمر كمال في الماتشات اللي محتاج أخلصها بدري أو أكسب محتاج اللي يهاجم لي من الطرفين».

وتابع: «عمر كمال أفضل من محمد هاني في الدفاع والهجوم، ويلعب أساسي ولو شارك بصفة دائمة محدش هيقعده، ولو عندي حسين الشحات ومن خلفه عمر كمال هتعمل جبهة جامدة وتكسبكك كتير».