ماجد نصيف يكتب : كفاية فهلوة !!

"رحم الله امرئ عرف قدر نفسه "
لو كل شخص مش فاهم ساب الى فاهم يشتغل
مش هيبقى ده حال . مواقع الصرف الصحى الاجتماعى.
السوشيال ميديا وخاصه الفيس بوك فيه كميةمن الجدال والطاقه السلبيه اللي الواحد بيشوفها على ( مواقع الصرف الصحى الاجتماعى )
فيسبوك او السوشيال ميديا بصفه عامه بتسيب كم من الطاقة السلبية تشغل كهربة مدينة صغيرة ما شاء الله،
هو الكل بقى خبير فى الطب والقانون والاقتصاد والكمياء والذهب والعمله وووووووو .....
"رحم الله امرئ عرف قدر نفسه "
حضرتك لو الى مش فاهم فى مجال سايب الى فاهم شغله يشتغل فى هدوء الدنيا هتبقى زى الفل . محدش بينكر ان فيه ازمه فى العالم كله مش فى مصر بس . لكن " الهجوم على مصر فى وقت ضعفها خيانه " ....... ومفيش مبرر للخيانه مهما كانت بنعترف ان الاسعار غاليه جدا وان ان فيه مشاكل لازم تتحل .. لكن دى مش مسؤليتنا احنا نقف جنب بلدنا مش نهاجمها علشان نرضى شويه عيال مش فاهمه حاجه . الى مش فاهم فى مجال ميتكلمش فيه كده الازمه تعدى بهدوء .... انا مش بفهم فى الطب مينفعش اكتب روشته لمريض يبقى اسيب اهل الاختصاص تشتغل ..... مش بفهم فى الاقتصاد يبقى مفتيش واعمل فيها محافظ البنك المركزى ... سيبو الى دى مسؤليته يتحاسب لو اخطا او سيبوه يشتغل بهدوء . ده مجرد راى شخصى..
آلاف من الخناقات والاصرار على اثبات وجهات النظر اللي مش بالضرورة تكون صح واللي بنسبة غالبة بتنتهي بخصومة أو غضب أو تجاوز أو تنمر أو سخرية او اى نوع من قله الادب وممكن الامور تتطور لقضايا فى المحاكم ..
كل مسببات الاحباط والطاقة السلبية اللي ممكن الانسان يتحول بسببهم الى شخصية ناقمة غاضبة على وشك الانفجار.. ا

ابعدوا عن الجدال يا جماعة وسيبوا اللي يقول يقول واللي يتخانق ما تنساقوش وراه وحاولوا تنجوا بأنفسكم واعصابكم.. احنا كلنا مش ناقصين والنعمة الشريفة. كفايه كده . زهقنا ...........