زوجة تطلب الطلاق: جوزي مبيصرفش غير على نفسه.. وأنا والعيال مالناش غير الفتات

تقدمت زوجة في الثلاثينات من عمرها بدعوى طلاق أمام محكمة الأسرة، وقالت إنها تزوجت عن حب، لكن بعد الزواج اكتشفت أن زوجها بخيل.

زوجة تطلب الطلاق

قالت الزوجة في دعواها: جوزي شغال شغلانة كويسة وبيقبض كويس، لكن أول ما الفلوس تدخل البيت بيصرفها على هدومه وموبايله الجديد، وبيسيبني أدبر الأكل والفواتير على مزاجي.

وأضافت: لما أطلب منه مصاريف البيت يقوللي: خليكي اقتصادية.. مش كل حاجة لازم تتجاب، حتى ابني لما احتاج دوا، قالي نستنى آخر الأسبوع.

وأكدت: حاولت كتير أوصل لحل وطلبت من أهله يتدخلوا، لكنه رفض، وقال لي “أنا بصرف على البيت بما يرضي ربنا.. اللي مش عاجبها الباب يفوّت جمل”، فقررت رفع دعوى طلاق للضرر، مؤكدة “اتجوزت راجل بيصرف على نفسه أكتر من بيته”.