شيكابالا: جمهور الزمالك محدش يقدر يحركه

أعلن محمود عبد الرازق شيكابالا قائد الزمالك السابق دعمه لـ جون إدوارد المدير الرياضي للنادي وتمنى نجاح التجربة.

وقال شيكابالا في تصريحات مع الإعلامي إبراهيم فايق عبر قناة mbc مصر: أتمنى تجربة جون إدوارد مع نادي الزمالك تنجح، وتجربة المشروع الرياضي تنجح، وأنا عايز مصلحة الزمالك.

وأضاف شيكابالا: كلمت ممدوح عباس في التليفون قولتله أنا خدت قرار إن أنا مش هقدر أكمل وهعتزل، قالي لا مش هينفع قولتله لا خلاص.

وأكمل شيكابالا: محمد العاصي اتصل بيا وكلمني عن موضوع جون إدوارد قولتله أنا كده كده هعتزل خلاص.

وواصل شيكابالا: مع احترامي لأي حد لو عايز أكمل كنت كملت ومحدش هيقولي اعتزال بالعافية، ولما قولت فيريرا يمشي عشان كان لازم يمشي وفي الآخر مشي فعلا.

وزاد شيكابالا: أنا بنور حاجات لـ جون إدوارد عشان عايز التجربة في الزمالك تنجح.

واختتم شيكابالا تصريحاته قائلا: عيب يتقال إن جمهور الزمالك فيه حد بيحركه، ده الحاجة الوحيدة الثابتة في النادي.