بعد هزيمة منتخب مصر.. رضوى الشربيني للستات: سيبوا الرجالة في حالها

قدمت الإعلامية رضوى الشربيني ببرنامج “هي وبس” المذاع على شاشة دي إم سي، روشتة للسيدات والمتزوجات للتعامل مع الزوج خلال بعد مباراة منتخب مصر تجبنًا لأي عصبية أو خلافات قد تحدث.

وقالت رضوى الشربيني، “متخليش جوزك يسمع اللي بقوله خدي التليفزيون وروحي أوضة تانية، سيبي الراجل في حاله النهاردة”.

ونصحت: "بلاش أي طلبات أو مكالمات أو رغي غير مبرر وسيبي الراجل النهاردة في حاله يعيش أحزانه ويكون مضايق، لأن الرجالة يهمها الكرة أكثر من الستات".

وأضافت ساخرة: "خدي برنامج رضوى الشربيني بهي وبس أوضة تانية لو مفيش أوضة تانية حوليني أو وطي التليفزيون وأعملي أي حاجة بس بلاش النهاردة".

هزيمة منتخب مصر أمام السنغال

وكانت تحولت أحلام منتخب مصر إلى واقع مرير بالخسارة أمام السنغال، في المباراة التي جرت بين الفريقين ضمن منافسات بطولة كأس أمم أفريقيا.

وسقط منتخب مصر في فخ الهزيمة أمام نظيره السنغال، بهدف نظيف في المباراة التي جرت بينهما في نصف نهائي كأس أمم أفريقيا، وأقيم اللقاء بالملعب الكبير بمدينة طنجة.