عمرو طير البر يكتب. : النخنخه والعرجنه

للآسف الشديد الواد المعلم نخنخ طلع منخنخ جامد و سايب لينا شويه نخانيخ كتيره وكدا كدا الجيل كله حيتنخنخ وهو الآن فى طريقه للاستعدادات الكبرى من عرجنه الجيل كله بعد حادث الواد المعلم نخنخ اللى كان متنخنخ وحيفضل كدا متنخنخ وصدقنى ياصاحبى أنت وانا حنخسروا الرهان لآن أولاد وأحفاد الواد المعلم نخنخ بك كله ومن أول لحظة حيتعرجن وحتبقى آخر عرجنه ذى ماكانت اخر نخنخه لإننا شعب طيب اوى ياولد

وخد عندك هما قبضوا على حوالى ١٥ منخنخ مع الواد المعلم نخنخ وهو على فكره بيحب أكل البسطرمة بالبيض الأحمر وتكون فرخه البيضة برجلين اتنين وماتقوليش حيخرج بفلوسه وهى أصلا مش فلوسه خالص مالص بالص اوحيخرج إفراج صحى لان انت وانا وكمان الواد إفراج وحتى ألبت أفراح صحتهم ماتجيشى حاجه ياولد مع صحه الواد المتنيل أقصد الواد المعلم نخنخ والله ماشاف مرض ياخويا ولاحيشوفه الا يمكن كدا بعد الحرب العالمية الجاية ولا انا ولاانت حنكون موجودين على هذه الارض وهذا الكون آلا شوية تراب متنتورين هنا ولاهناك

ياربت وهى كلمه لاتعمر بيت

ياليت المسؤولين حيدانا وموجودين فى الحكومة اللى بنتمنى دائمآ ان تكون حكومة رشيدة مش حكومه بكيزه

ويمكن الواد الدكتور ومش عارف هو دكتور فى إيه ياناس يتعدل كدا شويه فى كلامه وكل تصريحاته اللى هى كدا كدا ولا موءاخذه مش هضمها ولانازله من الزور والزور نشف أوى اوى والله

يارب السيد وزير العدل يفكر بروح القانون وليس بالقانون فقط هو وأخيه السيد معالى وزير الداخلية وبحق نشهد لهم ويستحقون ان نرفع لهم ١٢٠ مليون قبعه لأنهم فعلا رجاله مصر

يارب أحفظ عبدك عبد الفتاح السيسى من خونه الداخل قبل خونه الخارج وكلنا فدا فخامه السيد ألرئيس وجيش وشرطه هذا الوطن الغالي ياولد العم والخال

وللزكرى قيل ان الواد التانى صاحب معرض السيارات هو اليد اليمنى بل الكبرى للواد المعلم نخنخ بك وهو خلاف علشان شوية فلوس فكه ولاتسوى من طرف نسوان الطرفين وطلع له قصص وحواديت وكمان شويه حكايات من هنا لحد هناك واكتر من ٥٠ قضيه قديمه وحديثه وبلاغات كلها تريد ان تتنفس الصعدا

والعصافير كترت الان ومنها من قال هناك اسود ونمور وسلاح وحشيش وعمله وعمولات وحبشتكانت وشراكه مع ناس وشركات وأهمها شراء كل أملاك الهارب الواد محمد على نيله وهباب عليه وعلى من ساعده كمان

وقد أستلم ربع قيمه الأملاك وريحه الخيانه شوية شوية حتطلع ياولاد ومش عارف هو فى مصر كام رجل اعمال جاسوس وخاين لهذا الوطن

وياخوفى من النسوان اس المصايب ياولاد ونصيحه لوجه الله كله يخاف من النسوان يارب كل رجل أعمال فى مصر وبره مصر يدلع حريمه لأن الدنيا ماتسلمشى وكدا كدا الدنيا بظراميطه بالبسطرمه والبيض ولكن معانا مش فرقه يابيه

علموا أولادكم البعد عن تقليد الواد بتاع مدفع رمضان وأبعدوهم عن النخنخه ولكن لاحدا يقدر يمنع العرجنه لانها شغلانه المستقبل الجاى ياناس وكله يخلى باله من العرجنه وما ادراج بالعرجنه وانا مش عايز ولا اتنخنخ ولا اتعرجن تعبنا والله

بس ياترى ياولاد الأسد بتاع الواد المعلم نخنخ نخانيخوا أسد دكر ولااسد نتايه

وللحديث بقيه

لوكان فى العمر بقيه

يارب أجعل كلامنا خفيف عليهم وأبعدهم عنا يارب

وعجبى عليك يازمن

النخنخه والعرجنه

بس خلاص