أحمد السقا يكشف حقيقة مشاركته أحمد العوضي عمل فني جديد

كشف الفنان أحمد السقا عن علاقته بزميله أحمد العوضي، قائلا: "أحمد العوضي أخويا الصغير، واتطرح شغل بينا، لكن لسه مفيش تحركات فعلية في الموضوع، وأول أعمال جمعتنا كانت مصلحة وهروب اضطراري.

وأضاف أحمد السقا خلال هاتفية مع الإعلامية بسمة وهبة، مقدمة برنامج "90 دقيقة"، عبر قناة "المحور"أن فكرة التعاون بينهما طُرحت بالفعل، لكن لم تحدث حتى الآن أي تحركات أو خطوات رسمية لتنفيذها.

وتابع: «أنا اتكلمت قبل كده عن ياسمين وأحمد ورمضان وغيرهم، لكن يا جماعة مش كل اللي بيتكتب بيتصدق، وفي حاجات كتير بتتقال على السوشيال ميديا مالهاش أساس من الصحة».

العلاقة بين الفنانين تقوم على الزمالة والمحبة

وأكد السقا أن العلاقة بين الفنانين في النهاية تقوم على الزمالة والمحبة، قائلًا: «إحنا زملاء، إحنا زملاء أو بالبلدي ولاد كار، والمهنة دي بتجمعنا، ومش كل حاجة الناس بتشوفها أو تقراها على السوشيال ميديا تكون حقيقية».