عمر كمال : الناس محسسانى انى كافر وبسببهم بطلت ادخل المسجد

واجه مغني المهرجانات عمر كمال انتقادات كثيرة عقب ظهوره مع الشيخ مبروك عطية بصورة من كواليس برنامج جديد يقدمه الشيخ في رمضان 2021 ويحل عمر ضيفًا عليه.

كتب عمر كمال عبر حسابه بموقع التواصل الإجتماعي ”فيسبوك”، ردًا على ما واجهه من انقادات، وكتب: ”أتصورت صورة وأتشرفت بده مع فضيلة الشيخ مبروك عطية في لقاء هيتذاع معاه في رمضان إن شاء الله وحلقة كلها خير وكلام محترم”.

وتابع: ”كلام الناس وتعليقاتهم حسستني أنه متصور مع يهودى أو كافر أو مرتد أو أنسان لامؤاخدة نجس وهيدنس الشيخ !!

وكومنتات ازاى ده يتصور مع ده !! مع أنى مش وحش للدرجة ديه .. زى بالظبط ما خلونى أبطل أفكر أصلى في المسجد أول ما أخش بحس أنى أنسان منبوذ والناس بتبصلى بصة غريبة”.

واختتم كلامه: ”سمعت واحد بيقول للتانى اقف جمبه انت لاحسن ربنا ميتقبلش منى صلاة !!

ومش بقول انى مقطع السجادة أنا زى اى أنسان بيقطع في الصلاة وبيرجع بس ساعات ببقى حابب ادخل المسجد وفعلا بطلت ده من الناس”.

وكان ظهر المطرب عمر كمال بصحبة الشيخ مبروك عطية، من خلال صورة تجمعها سويا في أحد الاستديوهات، عبر حسابه بموقع التواصل الاجتماعي فيسبوك.

وعلق عمرو كمال: ”حاجة هتعجبكم في رمضان مع فضيلة الشيخ مبروك عطية”، وأثار المنشور على جدل كبير بين المتابعين. وكتب أحد المتابعبن:”هتغنوا مع بعض”، وعلق آخر ”حاسس أن الشيخ مبروك مش طايق نفسه سيكا”.