مرتضى منصور : أيمن عبد العزيز مدرب المنتخب كايد ناس كتير..
احمد جمعة حجازى الجارديان المصريةعلق مرتضى منصور رئيس نادي الزمالك على انضمام أيمن عبد العزيز، لاعب الفارس الأبيض السابق، للجهاز الفني لمنتخب مصر مع البرتغالي روي فيتوريا.
وقال مرتضى منصور في تصريحات تلفزيونية، عبر فيديو أذيع على قناة الزمالك : الكابتن أيمن عبد العزيز كايد ناس كتير جدًا جدًا، واللي ميعرفوش ده، ده كابتن نادي الزمالك ودرب هنا واحترف في تركيا وليه اسمه.
وأضاف: هو ولا محمد شوقي؟، هو ولا عصام الحضري؟، هو ولا سيد معوض؟، كل دول محدش اعترض عليهم، لما كانوا موجودين في الجهاز الفني لمنتخب مصر، واللي جاب أيمن عبد العزيز موهبته، أنا مش فاهم هو حازم إمام جبار ولا كيوت، حسب مزاجو، يجي أيمن يبقى جبار وهو اللي جابه، مبيردش على حاجة يبقى كيوت.
ومن جانبه قال أيمن عبد العزيز: أنت اللي اديتنا الفرصة في الزمالك، سواء أنا أو أمير عزمي، أو الكابتن سامي الشيشيني، وإحنا عارفين أن أنت والد لينا كلنا.
ويتولى أيمن عبد العزيز منصب المدرب المساعد بالجهاز الفني لمنتخب مصر، مع البرتغالي روي فيتوريا.