الإثنين 20 مايو 2024 06:51 صـ
الجارديان المصرية

رئيس مجلس الإدارة ورئيس التحرير عبد النبى عبد الستار

اخبار الملاعب

رسالة شوبير لكولر بعد غضب جمهور الأهلى منه

كولر
كولر

وجه الإعلامي أحمد شوبير حارس مرمى الأهلي ومنتخب مصر السابق، رسالة قوية إلى السويسري مارسيل كولر المدير الفني للفريق الكروي الأول بالنادي الأهلي بعد حالة الغضب في الفترة الماضية من نتائج الفريق والتعادل الأخير مع فريق سموحة في الدوري.

وقال أحمد شوبير: «أنا كنت وقفت على كولر والمركب ماشية حلاوة حلاوة و100 فل و14 طيب لما الموج يعلى أيه الحل بقه، هو ده اللي مشفناش فيه كولر لغاية دلوقتي».

وتابع شوبير: «الماتش اللي فات كولر زعل من الجمهور بتاع الأهلي، هو كولر مبيفهمش عربي بس المشجع كان غضبان شوية وواضح جدا في صياحه ضد كولر».

وتابع شوبير: «نصيحتي لمستر كولر سد ودانك حط قطن فيها ولا تلتفت لغضب الجمهور ما هو مش كله حلاوة حلاوة، لأ هتبدأ تشوف المر وجمهور الأهلي بيحب المكسب وبس، ولازم تبقى عارف ده».

وأضاف شوبير: «كولر هيقود المركب ازاي، هنا بقه الحكمة مطلوبة من مستر كولر عشان الأمور تمشي كويس والحدودتة تمشي بشكل كويس عشان إمبارح الخطب اجتمع معاه في وجود لجنة التخطيط وحسام غالي، والحقيقة الاجتماع كان حاسم وفيه قوة من الخطيب عشان تبقى الأمور واضحة بالنسبة للجميع إن فيه نظام ولوائح داخل الأهلي ولا يجب أن يخرج الفريق عن مساره».

كولر احمد شوبير الاهلى سموحة جمهور الأهلى