دكتور عزمى رشدى عبدالغني يكتب : عارف محللين الكوره بيعملو ايه او شغلتهم ايه ؟!

شغلتهم انه يقطعلك الماتش حته حته بيفصصوا بيجبلك كل لقطه و كل حركه حصلت و يقولك سببها و ده كان عاوز يعمل كذا و كذا.
شغلتهم كلام. و بيدخلك ف تفاصيل كتير انت ف غني عنها مع انه ممكن يقولك كلام تاني زي مثلا ازاي تطور او ازاي تمنع المرور المهم ف الاخر يديك حل.
لما تقع ف مشكله بقي متجبش محلل يحلهالك.
انا مش عاوزك تفصصلي المشكله.
انا جايبك تحل.
لكن لما اجيبك تفضل تقول انت عملت كذا و كذا و كذا.
و الطرف التاني من المشكله عمل كذا و كذا و كذا.
و تسكت.
فين الحل، فين اللي انت جاي عشانو.
اللي انت قولتو ده انا عارفه كويس.
اللي انت قولته ده محلش الموضوع.
انت داخل تسمعني كلمتين تفصصلي بيهم المشكله.
فين حلك فين اللي انا جايبك عشانو.
الكلام و التحليل دن بيفتح ابواب لمشاكل تانيه.
زي ما بيقولو الكلام الكتير مبحلش.
خير الكلام ما قل و دل.
لكن الكلام الكتير و التحليل ده بيكبر المشكله مش بيحلها.
و خصوصا لو كنت كبير و انا بكبرك انت لو قعدت تحلل مشكله قدام حد و مقولتش حلها.
شكلك هيبقي وحش اوي.
لما الجألك ف مشكله مره و اتنين و تلاته و متحلهاش اكيد مش هلجألك تاني و هلجأ لغيرك.
انا لجأتلك عشان انت الكبير اللي هتحل.
لكن انت ك كبير ليا لما الجألك و متحلش انت نفسك قدامي بتصغر.
نصيحتي. ان لو حد لجألك ف مشكله متتكلمش كتير اسمع بس و ف الاخر اديهم الحل اللي عندك متفتحش ع نفسك باب للكلام عشان ف الاخر انت اللي هتصغر نفسك مش هما اللي هيصغروك