شاعر العامية يحيى إبراهيم يكتب : ملقوش في الورد عبب

ملقوش في الورد عبب
قالوا احمر الخدين
عملت ايه ياونيس
قام حرك المجانين
فارس جوادك فين
اوعاك تسيبه يازين
والفن لو هادف
عند العرر هايف
لو قلنا دي نصايف
تبقي القوالب شين
ايه دخلك ياونيس
في عش دي الاباليس
لو كنت لابس حلق
كانوا وقفوا ليك صفين
وحق من قد خلق
عداك يادوبك ورق
ووقفت في المفترق
ولا كانش ليك وشين
انا شفت علي مظهر
ع الخلق يتمظهر
وعجبني ده المنظر
ولا مره تتكبر
ياصبحي قولك زين
هجوم على الفكره
عايشه امل بكره
وياما كام نكره
يتشالوا ع الكتفين
لو كنت يوم اراجوز
يوماتي ليك ميت وش
كنت ياصاحبي تفوز
بالهشتكه والغش
لو كنت يوم بتخاف
وم الأغا بتكش
كانوا عملوا ليك تمثال
تتغير الأحوال
ولا كنت ياسمبل
اخدت مره بلوك
جرب تكون دجال
جرب تكون محتال
ترقص على الاحبال
وتصاحب الاندال
راح تبقي عال العال
هتقولي فن ياخال
او غنوه او موال
او عشق يوم للوطن
اركض في قلب العطن
ولا مره تبقي بلوك