د.كمال يونس يكتب : الاجتماع

الله يزيد فضلكم .. لازم نستعد كويس المرة دي بالذات لانتخابات البرلمان ، علشان ماتخرجش عضوية البرلمان بره العيلة
طب وأنت قلقان من إيه
علشان الناس ماشفتش سيادة النائب ولا مرة بيقدم استجواب ، ولا حتى في التليفزيون ، ولا حقق لأهالي الدايرة أي مطالب ولا حل شكواهم ، ده حتى الناس بينها وبين بعضها بتقول وتتساءل إذا كنت حضرتك ياسيادة النائب فاكر إنك نائب ، وحتى بيقولوا النائب رايح النائب جاي والمشاكل هيا هيا ، وعلي إيه بيروح البرلمان يوفر بنزين الغربية ،حاكم البنزين غلي ،والبرلمان ياولداه ماعادش ليه حس ولا خبر .
ولا يهمك يا أستاذ ده مهما كان ده ابن الدايرة ،ولاحدش يسجر ولا حتى يفكر يترشح قدامه
جبتوا الثقة دي منين
اطمن يا أستاذ اللي عدى المرات اللي فاتت يعدي المرة دي على خير زي اللي قبلها ،بقى علشان كده جمعتنا ، وجينالك من كل ناحية ،عامة كفاية إننا شفناك ،ليه بس جبتنا على ملا وشنا ،بطننا كركبت ،عامة خير اللهم اجعله خير .
النائب حبيبنا يابلاش غيره غيره ماينفعناش .