دكتور فتحي الشرقاوى يكتب : لولا المجنون مكنش العقلاء أكلوا بلح.

مثل شعبي مصري قديم..
المثل عاوز يقول.لولا الشخص المجنون من وجهة نظر البعض الذي تسلق النخلة الطويله وجاب لهم البلح ياكلوه مكانوش هيكلوا البلح..
تخيلوا الراجل الطيب الخدوم اللي جازف بحياته علشانهم وتحمل المخاطر وطلع النخله وجابلهم بلح
وطفحوا وكلوا وشبعوا
وبعدين يتنأورا ويقولوا عليه مجنون، بالذمه يرضيكم كده، في صنف من البني ادمين للأسف مش واخد حقه ولا تقديره معنا
قايد ( مولع) صوابعه العشره شمع لغيره وبيخدم الصغير قبل الكبير وعامل خده مداس لكل اللي يسوى ومايسواش،وبيسعد غيره وهو حزين وبيقف مع الجميع ومفيش حد بيوقف معاه، الغريب وبعد كل اللي بيعمله مع الناس، للأسف شايفينه اهبل زي ماصاحب المثل الغريب ده شايف ان اللي طلع النخله وعرض نفسه للمخاطر علشانهم مجنون.بص يامتخلف منك ليها إنتم اللي مجانين وكسالى ومأنتخين ومرطرطين ومتخلفين،
مش هو ،الناس دي اللي عندها العطاء لغيرها.
دي ناس مش مجنونه.
دي ناس تتشال على العين والراس وكلكم عايشين في خيرها وبحسهاوالمثل غلط وستين غلط....
مساؤكم جميل
مجردخاطره

# ا.د فتحي الشرقاوي أستاذ علم النفس
بجامعة عين شمس