كامل الوزير: مش هستقيل و مش هسيبها وامشى

علق الفريق مهندس كامل الوزير نائب رئيس الوزراء للتنمية الصناعية، وزير الصناعة والنقل، على تعرضه للهجوم في أعقاب حادث الطريق الإقليمي بالمنوفية.وقال خلال مقابلة مع الإعلامي نشأت الديهي بقناة «Ten» على هامش جولة تفقدية بالطريق الدائري الإقليمي بعد حادث المنوفية، مساء الأحد: «أنا مش بزعل من الناس اللي بتهاجمني.. أنا بروح المقاتل اللي اتعلمتها من أول ما تخرجت من الكلية الفنية العسكرية».

وأضاف: «فيه ناس بتقول إن كامل الوزير غير مؤهل ليكون وزير للنقل.. مين قالك؟.. هو أنت تعرف أنا اتعلمت إيه في الكلية الفنية العسكرية.. دي الكلية بتعلمك إزاي تبقى عالم ومخترع ومهندس شاطر في كل التخصصات».

وتابع: «هو إنت شُفت؟.. اسأل عليَّ دفعتي.. اسأل عليَّ أساتذتي اللي درسولي.. بيقولك أنا غير مؤهل.. مين قالك أنا غير مؤهل.. هو إنت بتحكم على حاجة إنت متقدرش تقيمها».

وأشار إلى شعوره بغضاضة عند تعرضه للهجوم، لكنه أكد أنه يستوعب الأمر سريعًا بروح المقاتل، معقبًا: «أنا مش هسيبها وأمشي».

ولفت إلى أن هناك من يطالب بأن يستقيل وزير النقل، وعقب: «أنا مش هستقيل.. أنا مش هسيبها وأمشي.. أمنية البعض والكتائب اللي شغالة إني أسيبها وأمشي.. أنا مش هسيبها وأمشي.. أنا فيها لغاية ما أموت».

وشدد على أنه مستمر سواء ظلّ وزيرًا من عدمه، مؤكدا أنه سيواصل العمل مع زملائه حتى لو لم يكن في المنصب.

وجاءت هذه الجولة التفقدية، في ظل حالة من الحزن تنتاب مصر جراء مصرع 18 فتاة يعملن في إحدى مزارع العنب، جراء تصادم ميكروباص وتريلا مسرعة قادمة من عكس الاتجاه.

وأمرت النيابة العامة بحبس سائق التريلا المتسبب في الحادث 4 أيام على ذمة التحقيقات، فيما أكدت تحاليل عيناته تعاطيه المواد المخدرة.