أحمد صالح يكتب : رايحين على فين يا بنات

رايحين علي فين يابنات ده الفجر شقشق من ساعات ...
متكربسين ومحشورين في عربية ولا عربية الترحيلات...
يا باشا أكل العيش مر و بنكافح في سكات
نلم محصول العنب بعرقنا ودمنا مقابل شوية جنيهات....
كام جنيه يابيه بشرفنا تغنينا ذل الإهانات ....
بدري عليكم المرمطة ده أكبركم مكملش العشرينات ....
ده اللي في سنكم سهران في سريره قاعد على الشات ....
صحيح أحنا صغيرين سنا بس أحلامنا لسابع سموات ... نشقى ونتعب لنستر أهلنا ونجهز الفتيات ......
وفينا اللي بتعالج أمها بعد ما أبوها مات ...
والنبي سيبنا في حالنا ويلا غنوا يا بنات ... .
لا كان في النية ولا كان في الخاطر ............
سواقنا يا شاطر بأحلامنا واملنا ودينا المقابر .