عادل عبدالرحمن يكتب : كلام في العضل ... أوعي ترشح نفسك لعضوية البرلمان ؟؟؟

ياتري بعد انقضاء دورة الانعقاد الاخير من الفصل التشريعي الخامس بمجلس النواب هل النواب راضون عن أدائهم ؟؟؟
والقسم الذين أقسموا عليه أن أكون مخلصا وأن أراعي فيه مصالح العباد و البلاد وأن أحافظ علي الدستور والقانون و الوطن وسلامة أراضيه !!!!
هل أهل دائرتك راضين علي ادائك البرلماني لأن أهل الدائرة اللي هيرشحوه وينتخبوه تاني !!!!!
وعلي فكرة نفس الكلام لمعالي النائب الذي نجح قبل كدة في دورات سابقة أوعي يضحك عليك وسواسك ويقولك أترشح لأن الناس مبتنساش حاجه والتاريخ لا يرحم لا نائب حالي ولا سابق وكشف الحساب جاهز لك ولو كنت نجحت في مهمتك وانت نائب من الأساس مكنتش سقط ونجح غيرك ؛ ولو عملت مشروع واحد ولا خدمة واحدة في أي قرية أو وحدة محلية من الوحدات التابعة لدائرتك كانت الناس افتكرت إنما انت جاي من طي النسيان والماضي اللي الناخب مش عاوز يتذكره!!
يبقي مطلوب منك أنت وكل من حصل عضوية البرلمان سواء مجلس الشيوخ أو مجلس الشعب ( النواب) سواء نائب حالي أو نائب سابق مطلــــــوب منك كشف حساب !!!
أيوة النائب الحالي مطلوب منك كشف حساب من أمانة المجلس شهادة تحركات سواء قدمت طلب إحاطه أو استجواب أو سواء أو شاركت في أعمال لجنه سواء مناقشة قانون أو اضفت فقرة في تشريع أو شاركت أو طلبت لجنة تقصي حقائق مثل كارثة حادث فتيات الإقليمي أو حتي رصيدك من الخدمات العامة أو الخاصة لأبناء دائرتك ؟!!
فمن فضلك زن أعمالك بالقسطاس قبل أن توزن في صندوق الاقتراع للناخبين
نصيحة لوجه الله أوعي ترشح نفسك لأن رصيدك الخدمي صفر خدمات حتي لو كان رصيدك يتجاوز المليار !!!
و أخـــيرا
نفس الكلام لذات المرشح اللي قام من النـــوم لقي نفسه بيـحلم بلقب سيادة النائب أنت فين من الناس هل عندك رصيد من الخدمات يزكيك للترشيح ومتواجد بين الناس وعند المسئولين وعامل صداع للمسئولين ومدي علاقاتك بالمسئولين إيه ومؤهلاتك إيه ولغة الحوار وأمانة العرض لأي مشكلة إيه ؟؟
طيب انت ساكن معاهم ولا ساكن في حتة تانية ؟؟
ولا أهل بلدكم لا يعرفوك !!!
أوعي تترشح الناس فاقت بعد دروس المرار الطافـــح السابقة والحالية !!
ومحدش هينضحك عليه تاني ؟؟!!!
والقلـــم من المواطن هيكون جامد وهيعلم ورصيدك في الصندوق مش في البنك !!
والتاريخ لا يرحم .....
فاصل ونبدأ ...وللحديث بقيه