الباحث والكاتب ياسر فراويلة يكتب : رساله للرئيس

بصراحه ياريس ماينفعش تقول اشعر بكم الاعباء وتزيد الاعباء وتطردنا من بيوتنا وتزيد الاعباء علينا لان ده يعتبر تشفى وانتقام مننا من شعبك اللى احبك ودعمك مش معقول تبقى شاعر بكم الاعباء وتزيده وتشرد شعبك بيانات وزراءك كلها ملفقه ومغلوطه بيانات مكاتب وارقام غير حقيقه واحصاءات غير واقعيه بانهم موظفين مالهمش حد يحاسبهم لابرلمان ولانيابه ولا جهات امنيه تعطى بيانات خطا اصلا عنهم وعن شهاداتهم كلها ماشيه مصالح ياريس وماشيه مجاملات وبزنس واللى نعرفه انك راجل جدع وابن بلد .عاوزين منك وقفة رجوله زى اللى وقفتها ف ٣٠ يونيو عيب .على الوزراء والمسؤلين دول يبقوا محسوبين عليك ..عيب ان راجل جدع يتشرد ولاده وبناته واخواته فى الشارع ..سيبهم زى ماهم ولو حابب تعوض عوض الملاك اهى من ناحيه املاكهم موجوده ومش طالعين منها ومن ناحيه راضيهم بالاراضى اللى الحكومه بتدعى انها حاتجهزها(فى المشمش) عيب ياريس شوية ملاعيب وتجار زى دول يسرحوا بالبلد ويكرهوا الناس فيك انا مش قادر اكرهم بصراحه وبرضو مش راضى ولا مؤيد لاى قرار بتاخده حكومه محسوبه عليك ارجوك بحق المحبه وحق الرجوله والثقه الغى الحكومه والبرلمان ده..الغى قانون الايجار ده..بتاع الحكومه وريح الناس طمنهم على ارزاقهم وبيوتهم..والسلام...ياسر فراويله