دكتور فتحي الشرقاوى يكتب : الاهتمام عمره مابيطلب...

ولو الإهتمام ماجاش منه بإرادته دون طلب منك
يبقى ما اسموش إهتمام
لأنه ساعتها بيكون تمثيل ومجامله ،علشان كده أستغرب واندهش من الست اللي تتخانق مع جوزها وتزعقله وتزن عليه في الرايحه والجايه ويمكن تغضب وتسيبله البيت كمان لأنها طلبت منه يهتم وهو ما اهتمش،سؤالي للست الغريبه دي، لو ضغطتي على جوزك وطلبتي منه يهتم بك واهتم فعلا وقعد جنبك وماسابش البيت وخرج وقالك كلام حلو وانتِ عارفه من جواكي إنه بيمثل عليكي الإهتمام ومش حاسس به ، السؤال يا ترى يامدام بتكوني حاسه بأيه ساعتها،هل ينتابك شعور بالسعادة لأنك اجبرتيه على الإهتمام بك.
وانت عارفه من جواكي إنه مش طايقك وبيمثل عليكي .
و إن كل غرضه إنه بس يخرج من الموقف، لو أنت مبسوطه إنه خاف منك ونفذ لك طلبك واهتم بيك وانتِ عارفه إنه بيعمل كده ليس حبا ولا موده،يبقى انت كده وش وش(شخصية مستبده)
ولو أنت مبسوطه واقنعتي نفسك.بأنه بيهتم بيك. لشخصك مع العلم إنه مش كده يبقى انت شخصية رومانسية حالمه ولو أنتِ ماطلبتيش من الأصل والاساس إهتمامه وان الموضوع مش فارق معاكي..
لأن الإهتمام مشاعر ذاتيه ومابتطلبش يبقى انتٍ كده #شخصية واقعيه، أنا شخصيا افضل واحب واميل لهذه لشخصية الواقعيه العقلانيه ،التي تعطي بقدر ما تأخذ، بدل ماتضيعي عمرك ورا وهم اسمه اهتمامه بكِ ،ابحثي ودوري على ازاي تطوري ذاتك وتهتمي بيها،اهتمي بعملك واولادك وطموحاتك.
#مجرد _خاطرة

أ د.فتحي الشرقاوي
استاذ علم النفس
جامعة عين شمس