دكتور فتحي الشرقاوى يكتب : انت ليه زعلان وصعبانه عليك نفسك

إن بعض الناس كسروا بخاطرك وخيبوا أملك ، في شخصيات عايشه معانا وفي وسطناعندها مشكلة عويصة في دماغهاعشمها في الناس كبير قوووي من غير اساس.
ويعتقدون ويظنون وهم واهمون أن مكانتهم كبيرة في قلوب غيرهم ولهم العشم والخاطر عندهم ومع اول صدمه من الناس تجدهم.مُنهارين ومُحطمين ومش مصدقين اللي حصل وكانه كان شيء غير مُتوقع
أنا نفسي أقول كلمتين لهؤلاء الافراد المُغيبين،لازم تعرف إنك أنت في الأصل مكانش ليك لاخاطرولامكانه ولا قيمة ولا قامة عند الناس اللي خيبوا أملك، علشان بس ماتتزعلش إنهم كسروا خاطرك إنت بس اللي كنت متوهم وواهم إنهم بيعزوك وبيحبوك، وصدقني لوشغلت دماغك وركزت شويه في تصرفاتهم كلها معاك من يوم ماعرفتهم ،ستجدهم اندال وناقصين بس ساعتها لم تكن شايفهم على حقيقتهم ، فكسرة خاطرك منهم كانت متوقعة وطبيعيه ولا تستحق منك كل هذه المندبه والحزن اللي إنت عايش فيه، نصيحتي لك لا تكثر من العشم في اي بني ادم حتى لو كان أقرب حد لك في الدنيا ،لأن الوجع هيكون كبير قوي،وماتزعلش على حد ماجبرش بخاطرك.

#مجرد خاطرة

ا د فتحي الشرقاوي
أستاذ علم النفس بجامعة عين شمس