الأحد 19 سبتمبر 2021 09:54 مـ
الجارديان المصرية

رئيس مجلس الإدارة ورئيس التحرير عبد النبى عبد الستار

مقالات

الكاتب الصحفى عاطف دعبس يكتب : اللى مش بيعمل كده - يحلف - !

الكاتب الصحفى عاطف دعبس
الكاتب الصحفى عاطف دعبس

انا بروح أعزى عادى وفى نفس ذات الوقت بروح فرح عادى
وفى العزاء بكون مقتضب وفى الفرح بكون مبتسم، عادى
وفى البيت لو مات قريب بفتح التليفزيون عادى وبشوف الأخبار والمسلسلات عادى
اللى مات ممكن يكون حبيب أو قريب واللى بيتجوز برضه ممكن يكون حبيب أو قريب
الفكرة فى وجودك وإنك بتجامل وبتشاطر وتشارك بنفسك وبتعمل الواجب
وأحيانا بيكون العزاء فى مكان والفرح فى مكان وممكن كمان يكون الإثنين قريبين من بعض
وفى الحالتين بيكون فيه هرج ومرج ومصافحات وتبادل موبايلات وصور
أنا ممكن أروح عزاء ومروحش فرح لو كان المرحوم من بقيت عيلتى أو قريب منى جدا والعزاء يخصنى بصفة شخصية، وممكن يكون فرح يهمنى وأروح أعزى فى السرادق عادى،، دى مجاملات وتقارب إنسانى،
الحزن فى القلب وزى مابيقولوا الفرح فرحنا والميت ميتنا
كان زمان مكنش ينفع يجتمع الحزن والفرح فى مكان واحد،، ده كان زمان،، وده مش معناه إننا بقينا جبلات ولا معندناش دم، بالعكس، هو واقع لا نستطيع تغييره بحكم حاجات كتير وإرتباطات ومواعيد وظروف
ياريت كلنا نراجع نفسنا ونعمل بأصلنا ونحافظ على مشاعر الجميع فى الحزن والفرح، ونكون بحالة مزاجية تناسب المكان والزمان فى العزاء والفرح
هى مناسبة فى الحالتين ومشاركتك واجب فى كل الحالات،
وعلى فكرة موضوع الرقص والغناء تفعله قلة ومن وسط معين ولا يقاس عليهم وهم يحزنون ويفرحون بطريقتهم عادى
اللى زعلان قوى ياريت مايزعلش، لإن الميت ميتنا والعريس عريسنا وعروستنا
خلونا إحنا بس نعمل الواجب بالطريقة المناسبة ودون نقد أو تجريح أو تهكم أو مزايدات وتقليب الناس على بعض كعواجيز الفرح وندابين المأتم
وسعيكم مشكور والف مبروك
ويامسهل