عبدالنبى عبدالستار يكتب : شعب أبن نكتة ..أكذوبة كبرى !!

فى مصر مفيش ازمة بطالة ولكن فيه أزمة صالحين للعمل، الناس فى بلدنا بتتكلم 24ساعة فى كل شيء من أول عمليات التجميل والمشفوط والمنفوخ لحد تفاصيل عذاب القبر والثعبان الأقرع ،مروراً بفنون الأدب وقلة الأدب والتكنولوجيا والذرة والفلسفة والمنطق والسياسة والرياضة والجنس والطب والزراعة. ..وكل واحد حاسس انه خبير فى كل شيء، مع أن معظم المصريين خبراء فى الفشل، حتى مقولة أننا شعب ابن نكتة طلعت نكتة وطلعنا الدولة رقم 120فى السعادة بعد الصومال وبوركينافاسو. ...صدقوني احنا عندنا المخزون الاستراتيجى فى العالم من الفشلة.