رضا طلعت فهيم يكتب : اخر كلامي في سنه 2023

ومع نهاية 2023 وبداية سنة..⁦2024

هتنهي علاقات كتير وتبدا علاقات كمان كتير ..
هتعيد حساباتك في حاجات كتير مريت بيها ..
هتعرف مين كان بيحبك بجد ..ومين كان ليك سند وضهر مش بالكلام لاء بالفعل ..
هتعرف ان مش اي حد يتمحلس ليك ويقولك انه بيحبك هيكون بالفعل بيحبك ..لاء
دا لغرض معين ..
هتتعلم ان مش اي حد تثق فيه وتخليه صحبك ..
كتير اووي ناس عملوا اصحابنا وكانت طعنتهم ضربة قاضية لينا لانها كانت في ضهرنا ..
كتير ناس كانت واقفة معانا وبتحبنا بجد ..والغريب ان الناس دي معاملتنا معاهم قليلة جداا.. ⁦
ما هي اصلها مش بلأونطه ..⁦
نااس ناس وناس ..
ومع كل ناس بتحس احساس
ناس بتحس معهم بالحب والاحتواء⁦
وناس بتحس بفرحة اول ما تشوفهم
وناس تتمني عمرك كله يخلص معاهم ..
وناس تدعيلك من غير ما تشوفك....
وناس بتكرهك من غير سبب ....
وناس تتمني ليك كل حاجة وحشة ...
وناس تتمني زوال نعمتك ......
ف طول ماانت عايش هتقابل الناس دي والناس دي .....
مرت السنة علي كل واحد فينا بحلوها ومرها ...
فيها مواقف حلوة مش هتنساها ⁦
وفيها اللي من كتر ما هو مؤلم محفور جواك ومعلم ومش عارف كمان تنساه .
وكل سنة هتمر عليك هتغربل وتفرز الناس اللي معاك .
ومش مهم عدد الناس وكترهم حواليك ..⁦
ممكن واحد يعوضك عن عشرة ....
وممكن عشرة يعوضوك عن واحد....
عيش واتعلم ومتنساش تعلم علي اي حد كان ملوش لازمة في حياتك وكان كمالة عدد ..الصحاب مش بالعدد افتكر وابعدوا عن اللي اصله واطي ...وللمره التانيه كل سنه وانتم طيبين وفرحين وشاكرين الله والناس الحلوة اللي معاكم ....
كل سنه وانتم اصدقائي بخير وبناس حلوه زيكم