النيابة تستأنف على براءة السكرتيرة في قضية طبيب الإجهاض

استأنفت النيابة العامة على حكم براءة السكرتيرة المتهمة في قضية طبيب الإجهاض بالجيزة، من تهمة الاشتراك مع طبيب نساء وتوليد في الجيزة، بإجراء عمليات الإجهاض للسيدات داخل عيادته مقابل مبالغ مالية.

قضت محكمة جنح العمرانية بالجيزة ببراءة المتهمة بثينة.ع، في قضية طبيب الإجهاض بالجيزة، من التهمة المنسوبة إليها بالاشتراك مع طبيب نساء وتوليد، في إجراء عمليات إجهاض للسيدات.

وقالت السكرتيرة أمام جهات التحقيق: صبحي عزيز، هو صاحب العيادة وأنا شغالة في العيادة كسكرتيرة للمكتب، بقطع التذاكر، واللي حصل إن نورا دي كان ليها معاد كشف عندنا، وقطعت كشف مستعجل وبعد كده دخلت عند دكتور صبحي ولما دخلت عند الدكتور خرجت كان عليها دم ولقيت دكتور صبحي بيقولي دي هتنزل تحت في الدور الأرضي بسرعة، وقالي نزليها تحت وخليها تستناني تحت عقبال ما أنزلها.

وأضافت: فنزلت فتحتلها الأوضة وقولتلها استني الدكتور صبحي لما ينزلك عشان هو كان نازل يعملها عملية إجهاض بناءً على طلبها، وممكن يكون مضاها زي ما بيمضي ناس كتير على إقرار بالعملية دي إن على مسئوليتهم الشخصية.. وهو متعود إنه على طول بيعمل عمليات دي في المكان ده اللي في الدور الأرضي ومجهزة، وبعد أنا ما دخلت نورا أنا روحت ومعرفش حاجة عن الموضوع.

وأكملت السكرتيرة المتهمة في قضية طبيب الإجهاض بالجيزة: أنا عايزة أقول إن دكتور صبحي بيعمل عمليات إجهاض كثير جدا في المكان اللي تحت مش في العيادة بتاعته ودي حالات هو بيستقبلها بنفسه وأنا مليش دعوة بيها ومعرفش حتى حسابها ايه أنا كل اللي اعرفوا في المكان هو الكشف العادي 200 جنيه، والكشف المستعجل بـ 250 جنيه لكن حالات العمليات الجراحية والإجهاض هو اللي كان بيستلمها أنا مبعرفش عنها حاجة وكان بيدي فلوس لي رضا صاحب البيت عشان يسكت على اللي هو بيعملوا وبعد م اتمسك دكتور صبحي يوم الأربعاء 9/12/2022 راح دخل رضا المكان تحت اللي في الدور الأرضي ونضف وشال كل حاجة.