الكاتب الكبير حسن سعد حسن يكتب : (حضرتك حتقبض الكام ؟)

ما تنساش تدفع الجمعية
أنا حقبض الدور الكام؟
ما تبدرى دورى بدرى شوية
حتدينى الدور الكام ؟
أنا عملت حسابك خلاص
دى أشهر العبارات المتداولة فى الحياة يومياً ،وكل شهر
ويا سلام لما تلاقى حد جايبك على جنب ،ويقولك
تدخل معانا فاضل نفر ؟
اكيد حضرتك عرفت بالذكاء ،والألمحية
بتكلم عن إيه
عن.......الجمعية

نظام اقتصادى شعبى منذ قرون على ما أعتقد،و
من أهم مميزات الحياة الشعبية المصرية
نظام عمل به الأباء ،و الأجداد، وتوارثوه
جيلا بعد جيل
حيث يجتمع مجموعة من الأشخاص، ويتم
الإتفاق على دفع مبلغ كل شهر (ممكن تدخل بنفر ،و
ممكن بأكتر)
ويتم ترتيب الأدوار كل واحد يقبض
إجمالى المبلغ كل شهر (يارب أوعدنا)
نظام شعبى قائم على الثقة المتبادلة بين
مجموع هؤلاء الأشخاص ،وله قوانينه
الصارمة (خلى بالك)
وله مرونته الإنسانية أيضاً (ممكن تبدر دورك)
هذا النظام يعمل به الفقراء فقط ؟ لا
ولا أبناء الطبقة المتوسطة فقط؟ لا
بل، والأغنياء ، والتجار ،وعامة فئات المجتمع
وغيره (والله العظيم نظام حلو قوى بس لو تقبض الأول صح؟))
هذا النظام يحل عدد من الأزمات ،ويساعد على تلبية الاحتياجات
كأمور الزواج ،وشراء سيارة، أو شقة ،أو مشروع جديد، أو الحج ،والعمرة، وغيرها من الاحتياجات
نظام صالح لكل الفئات، ويلبى كافة الاحتياجات
ذكاء الشعب المصرى الذى يستطيع التغلب على كافة الصعوبات، والأزمات
والسؤال المهم طمنى عليك
حضرتك حتقبض الكام ؟