الكاتب الكبير وجيه الصقار يكتب ...والمعلمون هل يكذبون النائب ؟!

تلقيت رسائل من معلمى مدرسة أحمد لطفى موضوع الحوار تقول : "من فضلك أستاذ وجيه متصدقش كل اللي بيقوله النائب هناك شهود علي الواقعة, بأن كلامه غير حقيقى قال بالحرف الواحد: لا توجد مخصصات مالية لأصحاب المعاشات أو المعينين بالأجر، وأن المخصصات المالية للتعليم الأساسي فقط. أما الثانوي فليست له مخصصات مالية، وأنه عندما فتح دفتر شئون العاملين وجد أن كل المعلمين موقعين ولا يوجد غياب، والواقع أن الكل يشيل فوق النصاب.. مدرسين الرياضيات أربعة فقط شايلين فوق النصاب ، وهناك عجز ف 16 مدرس ب 200 حصة رياضيات ملهاش مدرسين ، حضرته مش فاهم حاجة فنيات التعليم...أستاذ وجيه المحترم نائب الوزير زار مدرسة الفنية المتقدمة فى مدينة أكتوبر يوم الجمعة قبل بدء الدراسة وبالفعل نزل المدير يوم الإجازة وفتح المدرسة، ووجد سعادته كل شيء علي ما يرام، وسأل مدير المدرسة ليه الورش مغلقة؟! --خد بالك يا استاذ وجيه يوم الجمعة قبل الماضية قبل الدراسة -- بيسأل ليه الورش مغلقة (ههه) لازم تشتغل والأجهزة اللي فيها تشتغل ..إزاي ده يبقي مسئول؟! نفترض حدث شئ في كهرباء المدرسة مين هيلحق الكارثة ومن يتحملها ؟! وحول معلمي الورش إلي الشئون القانونية ..أرجو من حضرتك إعادة النظر في تقييم هذا المسئول هو ف الآخر عايز يكسب تعاطفك معه علشان تكتب عنه كلام كويس ..فالمسئول عن التعليم لايدرك أننا خارج التصنيف الدولى" ** هذه الرسالة جاءتنى توا من بعض مدرسى المدرسة، وثبت عندى أنها حقيقية برغم نفى النائب للأسف ..أحترم رأي الجميع ..