ميلاد يونان يكتب : ‏30 يونيو ... حلم شعب ما يتكممش‎!‎‏ ‏ ولسّه بلدنا بتعدّي‎!‎، ‏ ‏

المنطقة بتغلي‎...

صواريخ في السما، تصريحات مولعة، وتحليلات بتلهث ورا الحقيقة ومش لاحقاها‎!

والشرق الأوسط؟ بيصحى على "خبر عاجل" وينام على فوضى او تحليل فاشل ‏‎.‎

لكن وسط الضجيج، بيرجع شريط الذكريات ليوم 30 يونيو 2013‏‎...

اليوم اللي نزل فيه الشعب، مش علشان يغيّر رئيس،‎

لكن علشان يشيل كابوس اسمه‎: ‎التمكين، والسمع والطاعة، والإعلان الدستوري‎.‎

نزلت ومعايا زوجتي واولادي‎...

مش طالعين مظاهرة، كنا نازلين فرح اسمه‎: "‎استرداد وطن‎".

شايلين في ايدينا أعلام وإزازة ميه، لكن شايلين في القلب حلم كبير‎:

‎"‎نلحق البلد قبل ما تغرق‎".‎

‏30يونيو اتحفرت بخط أحمر رسمه الشعب، وكتب عليه‎:

‎"‎الدين لله... والوطن للي يعرف يسوق‎."‎

‏3‏‎ ‎يوليو... الجيش تدخل، وبدأت خارطة طريق‏‎.

اختلفنا، وسقط دم، في رابعة والنهضة، وأحرقت كنائس، واختلفت الروايات، ‏وانقسمت القلوب‎‏.وناس ‏اتوجعت... لكن ما رجعناش‏‎.‎

‎

وفي يونيو 2014، اتولدت بداية جديدة‎:

المشير السيسي فاز بالانتخابات، والدولة لبست البدلة، وشمّرت، وبدأت تبني من أول السطر‎:

قناة، كهربا، عاصمة، أنفاق... بلدوزر ماشي وسط الزلازل‎.‎

لكن رغم ده كله، فيه همسة عتاب‎...‎‏ عتاب مش "نـــكــــد"‏

فيه ناس ساكنة في أول الشارع،‎

في شقق بعقود إيجار قديم، قانونية، وملتزمين بالدفع في الميعاد‎...

لكن عايشين بقلق ... مش لانهم مخالفين لا سمح الله" لكن بصراحة خايفين!!‏‎

خايفين يكون فيه قوانين بتتفصل لحساب "الملاك الجدد‎"‎،‎

وكأن وجودهم في بيوتهم جريمة مؤجلة على الرف‎!‎

الناس دي بتحلم إن الدولة رغم الزلازل والتصريحات والضغوط الدولية ـ تحس بيهم،‎

وتقرأ باقي أحلامهم، ( والشعب فايق فهيم، حلم الشعب ما يتكممش‎!‎

• عدل من غير واسطة،

• مستشفى فيه علاج حقيقي،

• كرسي مريح لمريض غسيل كلى،

• كاميرا تشوفهم زَي ما بتشوف نجوم المؤتمرات والساحل الشرير‎!‎

ناس نفسها تبطل تقول "أنا غلباااان‎"...‎‏ علي رأي عادل امام.‏‎

بس لسه عندهم أمل،‎

لأن القيادة دايمًا بترهن على وعيهم، مش بس على صبرهم‎.‎

آه، بنحب مصر‎...

مش بس لأنها بلدنا،‎

لكن لأنها لسه واقفة على رجليها،‎

وبتحاول تعدّي من الزحام‎

من غير ما تضحك على نفسها‎…

ولا تلبس طــــاقيـــــة وهــــــــــم،‎

ولا تاخد العزاء من نشرات الأخبار‎!"‎

ـــــــــــــــــ ناشط حقوقي ـــــــــــــــــــــــ