عادل عبدالرحمن يكتب : كلام في العضل :هو فين دور المحافظين في مواجهة الغلاء الفاحش وارتفاع الاسعار ؟؟؟

حضرتك رئيس جمهورية في محافظتك !!!
الرئيس مش هينزل يتابع مصر كلها!!!
حضراتكم انزلوا مش جولة للشو والتصوير ، أنزلوا ومعاكم مباحث التموين والرقابة والمتابعة بالتموين والصحة وكل الاجهزة الرقابية والأمنية ، ومعاكم وكلاء الوزراء بنفسهم ورؤساء المدن ومعامكم الكاميرات وبث مباشر للحملات بقيادتكم والضبط والمخالفات والمصادرة كل الاجراءات لردع التجار الفجار علي عينك يا تاجر
مش كدة ولا إيييه !!!!
بلاها جولات مكوكية علي الفاضي والمحصلة صفررر.
لا عاوزين أفعال وإجراءات علي ارض الواقع !!!
الرئيس مش هيعمل كل حاجة حضراتكم رؤساء جمهوريات المحافظات ولكم التطبيق والمسألة والتفعيل وكل محافظ ينزل شغله يومياً علي صفحاتكم الرسمية اثناء الحملات والقبض علي كل من يتلاعب بقوت الشعب وليست جولات للتصويررر علشان يكون عبره لغيره !!!
زيارات مفاجئة يا معالي المحافظين غير معلنه بعيدا عن الزيارات المعلنه وحفلات النفاق وكله تمام يافندم وحملة المزاهر والمباخر المطبلاتيه !!
الناس جابت اخرها يامعالي المحافظين ، دوركم فين ياريت الناس تحس بأن فيه مواجهة فعليه للتجار الفجار اللي بيلعبوا بالناس بدعوي زيادة عالمية وبطيخية ومحروقات بتروليه ؟!!
لا دة جشع شوية تجار حرامية مش لاقيين اللي يحاسبهم !!!
فعلوا قرارات اجتماعات وتوجيهات رئيس مجلس الوزراء مع وزراء التموين والداخلية والتنمية المحلية !!!
مش كدة ولا ايييه ؟؟؟!!!!
السيد الرئيس ورئيس مجلس الوزراء مش هينزلوا يتابعوا مصر كلها ، حضراتكم كلاً في محافظتة رئيس جمهورية وصاحب قرار ومعاك تفويضات وتكليفات الدولة
انزلوا وشوفوا شغلكم … وارحموااا الناس
الغلابة اللي محروقين بنار الاسعار ..
رسالة من كل غلابة مصر .
وللحديث بقيه !!!