فتاة تطلب من شيخ إجازة لقتل شقيقها بعد تحرشه بها

تفحص جهات التحقيق المختصة منشور متداول بين رواد مواقع التواصل الاجتماعي "فيسبوك"، منسوب نشره لفتاة ذكرت خلاله اتهامات لشقيقها بالتحرش بها والتعدي عليها بالضرب ونظرا لخطورة الموقف ونشر الفتاة لعبارات تكشف عن نيتها في ارتكاب جريمة قتل شقيقها، للوقوف على حقيقته.
وقالت الفتاة في منشورها: “أنا وصلت لمرحلة التفكير في قتل أخويا من وأنا صغيرة كل الناس كانت دايمًا بتقولي لما يكبر هيتعدل بس للأسف كل ما يكبر كل ما بيبقى أسوأ من الأول، البداية كانت خلافات بين أخ وأخت أطفال وفضلنا كدا لحد ما كبرنا”.
وأضافت: "وأنا في إعدادي أخويا اتحرش بيا كله هيستغرب ويقولى إن أزاي يعمل كدا في أخته إزاي، بس مكنتش مرة عملها مرتين وأنا نايمة ولما صحيت وعرف إني حسيت اتكتم ومقدرش يعمل حاجه ومعرفتش أقول حاجه لبابا لأن بابا شديد، ولما قولت لماما مصدقتنيش أو ما أخدتش الكلام على محمل الجد".
واستكملت: “دلوقتي بقي بيشتم ماما بأسوء الألفاظ وبيضربها وبنقول لبابا بيقول أنا مليش دعوة بيه أنا شيلت إيدي من تربيته، ولسه أخر حاجة ضربني أنا وماما وشدني من شعري وعندي كدمات كثيرة بسببة، ومبقتش عارفة أعمل أيه أنا بكتب وإيدي بتترعش وعمالة أعيط ولسه في 2 جامعة وقرايبنا بإلاسم بس ملناش علاقة بيهم عشان أقعد عندهم أو يساعدونا، أنا دلوقتى عايزه حد يوصلني بشيخ يقولي حلال قتله ولا لا؟”.
واختتمت: "أنا تعبت وبفكر أموت نفسي لأن يا أنا يا هو، ومش هقدر أعيش وهو عايش أكتر من كدا، أنا جالي حاله نفسية بسببه وبقيت مريضة اكتئاب، ربنا يلعنه هو واللي زيه".