الكاتب الصحفى عاطف دعبس يكتب ” ولو مفيش ذكرى حلوة - بحبها- ”

•• مش شرط يكون فيه علاقة طيبة أو ذكرى حلوة، مع صديق أو جار أكلت عيشه وملحه حتى نكون كويسين مع بعض، لأن ممكن الذكرى تكون وحشة، والعلاقة مش ولا بد، إحنا واحد وبشر فى الأخر فينا الحلو والوحش
•• شعب واحد فى وطن واحد، كلنا لنا حق وعلينا واجبات، والعلاقات والذكريات لها مالها وعليها ما عليها ولكنها ليست حجة على عشقنا لتراب بلدنا وشعبها الطيب الجميل
" مش علشان كان لك صديق طفولة فى الإبتدائى ولا فى الجامعة، نقول إننا كويسين مع بعض، إحنا أخوات والإخوات على كل لون وشكل وعقل، لأن ممكن شخص أخر له علاقه سيئة مع ذات نفس صديقك العزيز
•• أنا بحب كل مصرى بيحب البلد وبيعشق ترابها، سواء فيه علاقات أو مفيش، وطبعا فيه علاقات لكن مجرد ذكرها تدليل وتبرير على ما لا يجوز إقامة دليل أو تبرير عليه،
إحنا بنحب سواء كان حمدى ميلاد ولا مجدى مينا حبيبى أو مش حبيبى، ولا مارينا بنتى وعادل رزق، وسرى سعد ووصفى فريد، عشرة عمرى أو لا
•• نحن نحب الحب فينا، بلا شروط ولا ذكريات ولا مناسبات ولا إنطباعات، لأننا نسيج واحد وبيت واحد وشمس وقمر فى سماء واحد، مدرس الإعدادى كان واحد وأستاذ الجامعة واحد وحتى مدرس السنتر واحد، حتى البيض بألوان واحدة والبصل نرميه فى البحر هو نفس البصل الأخضر والملانه والخس والمحشى والفسيخ
•• كل سنة ومصر بشعبها الطيب الحبيب المتسامح بخير وسلام سواء فيه علاقات أو مفيش،، رغم إن طبعا فيه أحسن علاقات عبر الزمان وللأبد
•• حبوا مصر لمصر وللحب حبوها بفسيخها وسردينها وزهورها وشجرها وبصلها وسمنها،
•• كل سنة وأنتم طيبين بمناسبة عيد القيامة المجيد وشم النسيم
ويامسهل