أحمد داش: أنا أصلا لاعب كرة والتمثيل ما كانش حلمي

قال الفنان أحمد داش: "التمثيل ما كانش حلمي لأني في الأصل لاعب كرة، ولعبت في نادي إنبي وعمري 6 سنين لحد 15 سنة".

وأضاف خلال لقائه ببرنامج "كلمة أخيرة" الذي تقدمه الإعلامية لميس الحديدي بقناة "أون": "ما كانش حلمي دخول مجال الفن والتمثيل ونظرتي للممثلين كان فيها سخرية وأقول دول عالم ممثلاتية".

وتابع: "اللي شدني في الفن التعبير عن النفس، وبدأت بالإعلانات لمدة سنة ونصف، وبعدين عمرو سلامة هو اللي طلعني".

ولفت: "كنت بلعب كرة في مركز صانع ألعاب رقم 10، وأنا مت سبتش الكرة فضلت 6 سنين في خناقة أنا عايز أعمل إيه لحد لما اشتركت في مسلسل إمبراطورية مين في 2014".

وأشار: "أنا نفسي أعمل فيلم زي الكيت كات، وأوصل للحتة بتاعت داوود عبد السيد والراحل وحيد حامد اللي هو فيلم له معنى وفي نفس القصة الناس بتشوفه".