الثلاثاء 16 أبريل 2024 03:14 صـ
الجارديان المصرية

رئيس مجلس الإدارة ورئيس التحرير عبد النبى عبد الستار

مقالات

رضا طلعت فهيم يكتب : *قلوب الناس مش حاجه نجرب فيها..

رضا طلعت فهيم
رضا طلعت فهيم

عارفين الحب عامل زى ايه
زى الشجرة لازم الاول تشوف الارض اللى تزرع فيها البذرة الاول
تكون ارض صالحة للزراعة
ارض مخدومة كويس
بعدين تهتم وتروى وتسهر لحد ما شجرتك تطلع
وتعمل جذر فى الارض...والجذر يبقا جذور
والشجرة تكبر
تستفاد من ضلها
وتاكل من ثمارها
ومهما كانت الريح قوية عمرها ما تقدر توقع الشجرة
عشان جذرها قوى واتملك فى كل الارض
ولو جيت فى يوم قطعت الشجرة دى وسبت الجذر
برضو لو طال مية هيخضر تانى
اول ما يلاقى اهتمام وترويه بالماء
عشان تتخلص من الشجرة دى لازم تقلع الجذر نهائى
وعشان تقلع الجذر هتتعب كتير وهيتطلب منك جهد كبير ولازم الجذر يطلع وهيطلع معاه كمان حتة من الارض وهيسيب مكان عميق ف الارض
اهو الحب الحقيقى كده لو بدأ من جوانا من روحنا وقلبنا وعقلنا وسبناه يترعرع ويكبر واهتمينا بيه هيجى يوم ويضلل علينا
لكن لو حبينا نمحيه من جوانا هيكون صعب جدا
هياخد روحنا معاه واحنا بنطلعه
هياخد حتة مننا
هو ده الحب الحقيقى اللى معدتش موجود خالص فى زمنا ده
الحب اللى موجود اليومين دول... حاجة كده تك واي
بتيجى بسرعة وتروح برضو بنفس السرعة
حاجة نفسها قصير ومعندهاش عزيمة
حب اليومين دول زى شجرة الزينة شكلها حلو اوى لكن مينفعش تقعد تحت ضلها ولا بتطلع ثمار
وان جت حبة هوا جمبها توقعها عشان ملهاش جذور ولا اساس
حتى فى افلام العربى بتاع زمان اتفرج كده على قصص الحب فى الافلام دى
شوف كيف كانت بصاتهم لبعض ...طريقة حبهم وتعارفهم
مش مهم كان الشكل ولا المنظر ولا الفلوس
مرتبتطش بالوسيم بس
يعنى مكنش عمر الشريف ورشدى اباظة وحسن يوسف بس هما اللى بيقدمو ادوار الرومانسية بس
لا
كان فيه نجيب الريحانى واسماعيل يس وفؤاد المهندس حتى على الكسار وغيرهم كتير
كانت دنيا جميلة وكنا دايما بنصدق روياتهم ولو شفناها الف مرة مكناش بنمل
حتى قصص الحب بتاع زمان روميو وجوليت وقيس وليلى
هات حد من جيل اليومين دول وسمعه حكاية قيس وليلى هيضحك
هيقولك هو فيه حد ممكن يتجنن عشان واحدة
ومين اللى العبيط ده اللى يموت نفسه عشان حب
ميعرفوش ان الحب الحقيقى النقى اكبر من اى حاجة
المشاعرة الصادقة اجمل من اى حاجة
ميعرفوش ان الحب الحقيقى عامل زى المرض الخطير اللى بيتملك كل الجسم مينفعش يطلع منه غير لو استئصلنا الجزء المصاب...
فما بالك لو كان الجزء المصاب ده القلب والروح
الحب الحقيقى الصادق يشبه الادمان بالضبط
حاجة سرت فى شراينك...حاجة بقت فى دمك
مينفعش مرة واحدة تبطلها
ارجوكم اللى مش قادر يحب بجد مايحبش ولا يمثل دور المحب
قلوب الناس مش حاجة نجرب فيها
قلوب ناس هتاخد ذنب كبير لو آذيتها
سيب الحب للى يقدرو

رضا طلعت فهيم مقالات رضا طلعت فهيم قلوب النبي الجارديان المصرية