الشاعرة السورية ريتا معمارى تكتب : يمكن .... اشتقت

أوقات الروح بتنوجع
وبتصير تحكي بصمت
هيدا الوجع لما بتنكسر
وشو بتنفع كلمة ... اشتقت

شوقي الك
متل أم فارقت أبنها عَ سفر
متل ليلي هجرها ضو القمر
لبست توبها الأسود المشغول بحذر
من خيوط روح مسروقة هدها الوقت

و عَ جناحات الليل سافرت
غفياني وبكامل وعيي مانمت
صرت وشوش كفوف العتم بصمت
بهمس موجوع تَ تقلك.... اشتقت

و عَ هدابي حبات الدمع كما النبعات
مسحتهم بلا وعي عن خدود الوردات
دخلك يا الله ارحمني انا بحالة ثبات
معقول كون لَ دفا ضلوعو لهفت

أوقات الروح بتنوجع
وبتصير تحكي بصمت
هيدا الوجع لما بتنكسر
وشو بتنفع كلمة...... اشتقت
يمكن كون .... اشتقت