الإثنين 7 يوليو 2025 01:20 صـ
الجارديان المصرية

رئيس مجلس الإدارة ورئيس التحرير عبد النبى عبد الستار

اخبار الملاعب

موعد ومكان جنازة طارق الوحش نجم الإسماعيلي السابق

طارق الوحش
طارق الوحش

أعلن محمد الوحش نجل طارق الوحش، نجم نادي الإسماعيلي السابق، موعد ومكان صلاة الجنازة على والده، الذي وافته المنية فجر اليوم الخميس.

وكتب محمد الوحش عبر حسابه الرسمي على فيسبوك: إنا لله وإنا إليه راجعون، توفى اليوم أبي الكابتن طارق الوحش.

وتابع: وستشيع الجنازة عقب صلاة الظهر من مسجد المطافي، والعزاء بالملاعب المفتوحة بجانب الاستاد.

ورحل عن عالمنا طارق الوحش نجم الإسماعيلي السابق، فجر اليوم، بعد صراع طويل مع مرض السرطان حيث مكث في المستشفى خلال الأيام الماضية.

وكان عمر الوحش لاعب الاتحاد السكندري ونجل الراحل، كتب منذ أيام عبر حسابه على فيسبوك: أنا والدي بالنسبة لي من يوم ما وعيت على الدنيا ليه جزء كبير، وكبير جدا في حياتي بكل تفاصيلها.

وتابع: من بعد ما ربنا ابتلانا بمرضه من أكتر من سنة، وبعد ما اتحجز من أكتر من 10 أيام في المستشفى وبعدين من أيام اتحجز في العناية، وأنا شغفي في حاجات كتير بدأ يقل وتركيزي بدأ يقل وعقلي حتى بقى مشوش في أغلب الأوقات.

وأضاف: لكن ترتيب ربنا وحكمته والرضا بالقضاء يخليني أكمل في حياتي وشغلي، عشان يشوفني كويس لإن دي أكتر حاجه هتبسطه.

واختتم: اللي عايز أقوله إن وجود الأب في حياتك ده من أكبر النعم اللي ربنا أنعم عليك بيها، عشان كده لازم نستغل كل دقيقه أباءنا وأمهاتنا موجودين حوالينا ونراضيهم دايمًا وندعي ربنا يطول في عمرهم، ربنا يصبر كل من فقد حد من أهله عزيز عليه ويبارك في أهلنا وأحبابنا جميعًا.

طارق الوحش الاسماعيلي محمد الوحش صلاة الجنازة على طارق الوحش وفاة طارق الوحش نجم الإسماعيلي