الثلاثاء 16 يوليو 2024 12:59 مـ
الجارديان المصرية

رئيس مجلس الإدارة ورئيس التحرير عبد النبى عبد الستار

فنون وثقافة

غادة عبد الرازق: ماليش منافس على الساحة الفنية.. ومتوقعتش نجاح فيلم تاني تاني

غادة عبد الرازق
غادة عبد الرازق

قالت الفنانة غادة عبد الرازق، إنها ليست لها منافسين على الساحة الفنية، موضحة أن قدرتها التمثيلية لا تضاهيها قدرات غيرها من الممثلين على الساحة، بجانب حديثها عن أجدد افلامها بعنوان تاني تاني، الذي عادت من خلاله للسينما من جديد.

وقالت غادة عبد الرازق، خلال لقائها مع برنامج صباح العربية: ماليش منافس على الساحة الفنية، مفيش حد شبهي ودي حقيقة، ستايل غادة وتمثيلها وشخصيتها مش شبه حد، علشان كده أنا متأكدة إن مفيش حد على الساحة بينافسني.

أما عن فيلمها الجديد تاني تاني، فقالت غادة عبد الرازق: قبلت الفيلم ده لأنه رجعني للكوميدي تاني، وشخصية جديدة ومحدش يتوقع إن غادة تعمل الشخصية دي، ومتوقعتش النجاح اللي حققه فيلم تاني تاني، والجمهور قالي إنتي بجد دمك خفيف وارجعي للكوميدي تاني، لأن آخر حاجة عملتها كوميدي كان مسلسل الحاج متولي.

أما عن سبب اختيارها الدائم لشخصية المرأة القوية في أعمالها، فعلقت غادة عبد الرازق: المخرجين بيطلبوني دايمًا لأن شخصيتي قوية، والناس شايفة إني البطلة الشعبية اللي بتاخد حق الستات وبتقويهم ومحدش يقدر يقف قدامها، والناس حابة مني ده، والمخرجين دايمًا عايزين غادة القوية، بيقدموا ده في أشكال مختلفة.

آخر أعمال غادة عبد الرازق

وعُرض مؤخرًا فيلم تاني تاني، لـ الفنانة غادة عبد الرازق، ويشارك في بطولته عدد من الفنانين، بجانب الفنانة غادة عبد الرازق، وهم كل من الفنان أحمد آدم، بيومي فؤاد، محمود حافظ، ثراء جبيل، دنيا ماهر، أمير صلاح الدين، سليمان عيد، إبرام سمير، إسلام شوقي، وآخرين، والعمل من إخراج شريف إسماعيل.

غادة عبد الرازق الفنانة غادة عبد الرازق تصريحات غادة عبد الرازق فيلم تاني تاني الفن فنـ اخبار الفن