الدكتور فتحي الشرقاوي يكتب: عيدكم سعيد

ازاي خرج من جو الكأبة إللي إنت حاطط نفسك فيه طول الوقت على الأقل بمناسبة الايام السعيدة التي نعايشها الآن( عيد الفطر)
... .
#أولا
ضع نفسك أول قائمة الناس المهمين لديك بحيث يكون أسمك رقم ١ في هذه القائمة ثم ضع بعده اي اسماء اخرى
المهم لا تجعل أحد مهما كان يكون قبلك..كلهم وراك وماتفضلش توجع دماغنا
وتقول أصل أنا بحبهم أكتر من نفسي
#ثانيا
لا تجبر نفسك على اي حاجه إنت رافضها من جواك ومش مستريح لها وماتفضلش تقول هم عاوزين كده اللي عم عاوزينه يعملوه هم مش إنت
#ثالثا
ابتعد تماما عن الأشخاص اللي دايما بيحسسوك بالإحباط واليأس واعتزلهم تماما،هتقولي اصلهم قريبين مني.هقولك ابعد والحق واغتنم ماتبقى من نفسك..
#رابعا.
أدعم الحس الفكاهي عندك وحاول تبتسم وتضحك وتبعد عن اجواء الكأبه،ده حتى وشك من كتر النكد بدأ يشقق ويفلق وأفتح مع غيرك موضوعات تتسم بالفرح وروح الفكاهه وموضوعات يغلفها روح الأمل والتفاؤل
#خامسا
كافئ نفسك بهدية في حال نجاحك في أي عمل تفوقت ونجحت فيه و لا تنظر من اي شخص يحتفي ويحتفل بك،احتفل إنت بنفسك لنفسك زي ما بتعمل مع غيرك في حال نجاحه.
ليه تسعد غيرك بمكافئته وتحرم نفسك أنت من المكافأة دي
#سادسا.
لا ترخص نفسك وتظهر وتبين نفسك على طول إنك ضحيه والناس ظلماك وبيفتروا عليك ونازل تتسول منهم.العطف والطبطبه والحنية وسيبك من نظام وجو الصعبنيات ده، الناس مابتحترمش غير قوي الشخصية
#مجرد _خاطره

# أ. د. فتحي الشرقاوي.
أستاذ علم النفس
جامعة عين شمس