محمد الغيطي : محمد سعد وأحمد مكي كانا مرشحين لدور نجيب الريحاني

كشف الكاتب والسيناريست الكبير محمد الغيطي، عن النجوم الذين كانوا مرشحين لتجسيد شخصية نجيب الريحاني في مسلسل "الضاحك الباكي".

وقال محمد الغيطي، خلال استضافته ببرنامج "اليوم" المذاع على قناة "القاهرة اليوم": "في ٧ نجوم كانوا يتمنون العمل ده وعملنا بروفات.. وأكبر أسماء كوميديانات في مصر وأبرزهم محمد سعد وأحمد مكي كانوا يتمنوا وقالولي وعندي رسائل الواتس بتاعهم وأنا بحبهم وبحترمهم جدا بس محصلش نصيب".

وأضاف الغيطي: "لما أستاذ محمد فاضل شرفني بإنه وافق على السيناريو وتحمس ليه وكان معروض عليه سيناريوهات كتير جدا قال لهم لأ أنا هعمل ده.. قعدنا فقولتله أنا كنت من ٨ سنين عرضت على عمرو عبدالجليل وكان موافق إنه يعمل العمل قالي هو عمرو عبد الجليل لأني الكوميديا اللي بيعملها عمرو هي نفس مدرسة نجيب الريحاني".