حريق فى منزل الإعلامية هبة الأباصيري..

أعلنت الإعلامية هبة الأباصيري، تعرض جزء من منزلها للحريق، من دون الكشف عن السبب، قائلة: «الحمد لله اللطيف الستار.. اتفاجئنا بمنظر حريق ونار طايرة ماسكة في شباك المطبخ والحيط من بره ومواسير الميّة».

وأوضحت الإعلامية هبة الأباصيري، تفاصيل الحريق عبر حسابها الشخصي على فيس بوك، قائلة: «لا في أثر لعقب سيجارة اترمى، ولا في حد أصلا دخل المكان، ولا في أي منفذ حتى لجيران يرموا في المكان ده أي حاجة، ولا الجو حر نار للدرجة دي، والنار طالعة من جوة صندوق كرتون فيه خزين التوم، ودي أول مرة في حياتي أصلا أخزن توم».

وتابعت الأباصيري: «الله يسامح الست (ز) اللي بتساعدني هي اللي أقنعتني أخزن توم، ونفس الست الطيبة اللي قالتلي وأنا عندي كورونا أحطلك نعناع على الشاي ليه، ما خسارة طالما أنتِ كده كده مش هتستطعمي، أنا لسه فاكراهالك يا (ز) بس مسمحاكي، اللهم لك الحمد يا لطيف يا ستار، راضية جدا جدا جدا يا ربي».

وانضمت الإعلامية هبة الأباصيري، إلى فريق عمل برنامج الستات ميعرفوش يكدبوا، المُذاع على قناة «سي بي سي»، قبل أيام، وشاركت في تقديم البرنامج، إلى جانب منى عبدالغني، وإيمان عز الدين.