الجمعة 19 يوليو 2024 02:49 مـ
الجارديان المصرية

رئيس مجلس الإدارة ورئيس التحرير عبد النبى عبد الستار

فنون وثقافة

قصائدعبثيه:

الشاعر محسن يوسف يكتب : (مين؟؟؟؟)

الشاعر  محسن يوسف
الشاعر محسن يوسف

مين راح لحاكم ينصحه ويفهمه
ان الغلابه فى الرقبه طوق
ف ليله برد يكونوا توب
لويبنوا سد يكونوا طوب
وان حفروا قبر يكون يادوب
على قد ظالم مرضيش يتوب
وف وقت حرب نكون قلوب
ماليها عزم روح الجدود
نسوانا أجدع من جيش فرنجه
بالحله تضرب من غير طبنجه
حرافيش زغابه
وقت اللزوم نبقى ديابه
ده ماحد غيرنا غنى بربابه
للفرح مره ولحزن مره
وقال بلادى تعيشى حره
رغم انى عبدك
لكن بحبك
احب شمسك واحب ضلك
احب اسمك ياأم دنيا
يامصر غاليه
مهما رميتى حملك عليا
يامصر غاليه