رزق الحويط يكتب : خيال مآتة !

خيال مآتة بعترف
و دا تصريح
شكلي صريح
لا مخادع و لا كلامي
تفاريح كد
برتعش تحت المطر
و تصفر ف وداني
الريح
مظلوم.............!
و م الكلام ممنوع
لا قادر أبوح
و لا قادر اتألم......
و لو بشويش
و مش مسموح....
أنوح
و لو بصوت مبحوح
و مش مسموع
مين اللي قال......
أنا مستكين
و أنا مغروس......
ف الطين
بحمي الغيطان
م الغربان
و بخوف الشياطين
معتل و الا صحيح
صابر بعدي يومي
يمكن يدوني.........
لسان و أبوح
بتعب السنين !
يمكن يدوني..........
لسان و أبوح
بتعب السنين !