امانى يوسف تكتب : اوعى تتعشم

بلاش تتعشم أوي انك مهم وواخد مكان كبير في قلب حد لدرجة إن يومه هيقف من غيرك
متبنيش لنفسك أوهام انك مؤثر في حياة حد متحطش نفسك في خانات فارغه وإنت مفكر إنها مليانه بحبهم وتقديرهم ليك
هم بيحبوك وبتحبهم بس لو غيبت يوم إثنين هيتأثروا وبعدين هيتعودوا علي غيابك زي ما كانوا متعودين علي وجودك بالظبط
شخص واحد هو اللي هيتأثر بغيابك من كل اللي تعرفهم
هو دا الشخص اللي في الغالب هيكون بيحبك بالمعني الحرفي للكلمة ويومه مش هيكمل غير بوجودك
هو دا اللي يستحق لو غيبت عن الدنيا كلها متغيبش عنه
ولو الشخص دا مش موجود فتأكد انك شخص وحيد

إعرف قِمتك ومتتعشمش لان فى النهاية إنت شخص غير مهم في حياة حد
فخليك دايما متصالح مع نفسك وعندك الإيمان التام إنك لو غيبت عن أي حد مع الوقت هيتعود وهيعيش حياته عادي وبلاش العشم والثقة الفارغة عشان متتصدمش
مفيش حد دايم مهما كان قريب ودايما الضربه بتجيلك من اقرب الناس.
فمتتعشمش في حد العشم في الله و بس
و متثقش في اي حد مهما كان فكل واحد عنده مصلحته اولاً
و محدش هينفعك غير نفسك.
ومتعملش حاجه عشان ترضي حد.
اعرف الناس بقوا زفت والبعد عنهم راحه.