خالد درة يكتب : بالعقل اقول…( حكايتى مع الخمسة جنيه …! )

ﻓﻲ ﻳﻮﻡ ﻣﻦ ﺍﻻﻳﺎﻡ أعطانى أحدهم ٥ ﺟﻨﻴﻪ ﻣﻘﻄﻌﺔ وقديمة ، ﺍﻟﻠﻪ ﻳﺴﺎﻣﺤﻪ ﺍﻟﻠﻲ ﻟﺒّﺴﻬﺎﻟﻲ ..

ﺣﺎﻭﻟﺖ كثيراً أن ﺃتخلص ﻣﻨﻬﺎ لكن دون جدوى ، ﻛُﻞ ﻣﺎ ﺃﻗﻒ ﻋﻨﺪ ﻛُﺸﻚ ﺃﺟﻴﺐ ﺣﺎﺟﺔ ﺍﻟﻠﻲ ﻭﺍﻗﻒ ﻳﻘﻮﻟﻲ " ﺷﻮﻓﻠﻲ ٥ ﺟﻨﻴﻪ ﻏﻴﺮ ﺩﻱ "..

ﻛُﻞ ﻣﺎ ﺃﺭﻛﺐ ﻣﻴﻜﺮﻭﺑﺎﺹ ﺃﺷﺪ ﻣﻊ ﺍﻟﺴﻮﺍﻕ ﻭﺃﺿﻄﺮ ﺃﻓﻚ ١٠٠ ﺟﻨﻴﻪ ﻋﺸﺎﻥ ﺃﺟﺮﺓ 3 ﺟﻨﻴﻪ ﻭﻻ 2 ﺟﻨﻴﻪ ونص ..

ﺣﺘﻰ ﻣﺤﻄﺎﺕ ﺍﻟﺒﻨﺰﻳﻦ ﺍﻟﻠﻲ ﺑﻴﺎﺧﺪﻭﺍ ﺃﻱ ﻓﻠﻮﺱ رفضوا ﻳﺎﺧﺪﻭﻫﺎ ﻟﺪﺭﺟﺔ ﺇﻧﻲ ﻑ ﻣﺮﺓ ﺣﺎﻭﻟﺖ ﺃﺩﻳﻬﺎ ﻟﺸﺤﺎﺕ ﻓﺒﺼﻠﻲ ﺑﺼﺔ ﺻﻌﺒﺔ ﺃﻭﻱ ﻭﻛﺴﻔﻨﻲ ﺟﺪًﺍ ، ﻑ ﺍﺩﻳﺘﻪ ﻏﻴﺮﻫﺎ ﻭﻓﻀﻠﺖ ﺃﻧﺎ ﻻﺑﺲ ﻓﻴﻬﺎ ..

ﺍﻗﺘﻨﻌﺖ ﺇﻧﻲ ﺧﻼﺹ ﻣﺶ ﻫﻌﺮﻑ ﺃﺧﻠﺺ ﻣﻨﻬﺎ ، ﻭﺑﻄﻠﺖ ﺃﺣﺎﻭﻝ ﺃﺻﺮﻓﻬﺎ ، ﻓﻀﻠﺖ ﺷﺎﻳﻠﻬﺎ ﻑ ﺍﻟﻤﺤﻔﻈﺔ ﻭﺃﻧﺎ ﻣﺶ ﻣﻌﺘﺒﺮﻫﺎ ﻓﻠﻮﺱ ، ﻣُﺠﺮﺩ ﻭﺭﻗﺔ ﻑ ﺍﻟﻤﺤﻔﻈﺔ ﻭﺧﻼﺹ ..

فى الوقت اللى فيه ﻓﻠﻮﺱ ﺗﺮﻭﺡ ﻭﻓﻠﻮﺱ ﺗﻴﺠﻲ
ﻓﻠﻮﺱ ﻣﺮﺗﺐ ﻭ فلوس جمعية
ﻭﻓﻠﻮﺱ ﻭﻗﻌﺖ ﻣﻨﻲ ﻭﺍﺗﺤﺴﺮﺕ ﻋﻠﻴﻬﺎ و ﻛُﻞ ﺩه ﻭﻫﻲّ ﺯﻱ ﻣﺎ ﻫﻲّ ، ﻣﻜﺎﻧﻬﺎ ﺛﺎﺑﺖ لا يتغير ، عمرها ﻣﺎ ﺣﺴﺴﺘﻨﻲ ﺇﻥ ﻣﺤﻔﻈﺘﻲ ﻓﺎﺿﻴﺔ
ﺣﺘﻰ ﻟﻮ ﻓﻠﻮﺳﻲ ﻛُﻠﻬﺎ ﺧﻠﺼﺖ ﻛُﻨﺖ ﺩﺍﻳﻤًﺎ ﻫﻼﻗﻲ ﺍﻝ ٥ ﺟﻨﻴﻪ ﺍﻟﻘﺪﻳﻤﺔ ﺑﺘﺎﻋﺘﻲ ﻗﺎﻋﺪﺓ ﺟﻮه ﻭﻣﺮﺑﻌﺔ
و ﺩﺍﻳﻤًﺎ ﻣﻮﺟﻮﺩﺓ ..

لوقت ﻣﺎ ﻣﻦ ﻓﺘﺮﺓ ﻛُﻨﺖ ﻣﻌﺪّﻱ ﻋﻠﻰ ﻛُﺸﻚ ، ﺻﺎﺣﺒﻪ ﻭﺍﺣﺪ ﻣﻌﺮﻓﺔ ، ﻭﻛﺎﻥ ﻧﻔﺴﻲ ﻑ ﻛﻴﺲ شيبسي ﺃﺑﻮ ٥ ﺟﻨﻴﻪ ، أﺧﺪﺕ كيس ﻭﺭُﺣﺖ ﺃﺣﺎﺳﺒﻪ ، ﻭﻣﻜﻨﺶ ﻣﻌﺎﻳﺎ ﻏﻴﺮ ٢٠٠ ﺟﻨﻴﻪ ، ﻭﻫﻮ ﻣﻜﺎﻧﺶ ﻣﻌﺎه ﻓﻜﺔ ، ﻭﺑﻌﺪ ﻛﺜﻴﺮ ﻣﻦ ﺍﻝ " ﺧﻠﻴﻬﺎ ﻋﻠﻴﻨﺎ ﺍﻟﻤﺮﺍﺩﻱ " ﻭ " ﺍﻟﻤﻜﺎﻥ ﻣﻜﺎﻧﻚ " ﻭ الكلام اللي انتوا فاهمينوا ده ﺿﺮﺏ ﻋﻴﻨﻪ ﻑ ﺍﻟﻤﺤﻔﻈﺔ ﺷﺎﻑ ﺍﻝ ٥ ﺟﻨﻴﻪ ﺑﺘﺎﻋﺘﻲ ، ﻗﺎﻟﻲ " ﻣﺎ ﺍﻧﺖ ﻣﻌﺎﻙ ٥ ﺟﻨﻴﻪ ﺃﻫﻲ ﻣﺎ ﺗﺠﻴﺒﻬﺎ " ، ﻃﻠﻌﺘﻬﺎ ﻭﺭﻳﺘﻬﺎﻟﻪ ﻭﻗﻠﺘﻠﻪ ﺑﺴﺨﺮﻳﺔ " ﻣﺶ ﻫﺘﻨﻔﻌﻚ ﺩﻱ ﺧﺎﻟﺺ ﺻﺪﻗﻨﻲ ، ﻣﺶ ﻫﺘﻌﺮﻑ ﺗﺼﺮﻓﻬﺎ
ﻟﻘﻴﺘﻪ ﺭﺍﺡ ﺿﺎﺣﻚ ﻭﻗﺎﻡ ﻗﺎﻟﻲ "ﻫﺎﺗﻬﺎ ﻭﻣﻠﻜﺶ ﺩﻋﻮﺓ ..

" ﻭﻫﻮ ﺑﻴﻤﺪ ﺇﻳﺪه ﻋﺸﺎﻥ ﻳﺎﺧﺪﻫﺎ ﻟﻘﻴﺘﻨﻲ ﻑ ﺭﺩ ﻓﻌﻞ ﻏﺮﻳﺐ ﻣﻨﻲ ﺑﺮﺟّﻊ ﺇﻳﺪﻱ ﻟﻮﺭﺍ ﻭﺑﺘﺒّﺖ ﻉ ﺍﻝ ٥ ﺟﻨﻴﻪ ﻑ ﺇﻳﺪﻱ ﺃﻛﺘﺮ !!.

ﺍﺳﺘﻐﺮﺑﺖ ﺭﺩﺓ ﻓﻌﻠﻲ ﺩﻱ ﺃﻭﻱ ، و بسأل نفسى ﻫﻮ ﺃﻧﺎ ﻣﺶ ﻋﺎﻳﺰ ﺃﺩﻳﻬﺎﻟﻪ ﻭﻻ ﺇﻳﻪ؟ !
ﻣﺶ ﺩﻱ ﺍﻝ ٥ ﺟﻨﻴﻪ ﺍﻟﻠﻲ ﻛُﻨﺖ ﻫﻤﻮﺕ ﻭﺃﺧﻠﺺ ﻣﻨﻬﺎ ؟!
ﻣﺶ ﺩﻱ ﺍﻝ ٥ ﺟﻨﻴﻪ ﺍﻟﻤﻘﻄﻌﺔ ﺍﻟﻤﻠﺰﻗﺔ ﺍﻟﻠﻲ ﺣﺎﻟﺘﻬﺎ ﺑﺎﻟﺒﻼ ؟!
ﻟﻴﻪ مش ﻫﺎﻳﻦ ﻋﻠﻴّﺎ ﺇﻧﻲ ﺃﺩﻳﻬﺎﻟﻪ ﺃﻭﻱ ﻛﺪة ؟!
ﻟﻴﻪ ﺣﺎﺳﺲ ﺇﻧﻲ ﻣﺶ ﻋﺎﻳﺰ ﺃﺩﻳﻬﺎﻟﻪ !!
ﺍﺳﺘﻌﺒﻄﺖ ﻧﻔﺴﻲ ﺃﻭﻱ ﻑ ﻟﺤﻈﺘﻬﺎ ، ﻭﺍﺑﺘﺴﻤﺖ ﻭﺍﺩﻳﺘﻬﺎﻟﻪ ﻭأﺧﺪﺕ ﻛﻴﺲ ﺍلشبيسي ﻭﻣﺸﻴﺖ ، ﺗﺎﻧﻲ ﻳﻮﻡ ﻭﺃﻧﺎ ﻧﺎﺯﻝ ﺑﻔﺘﺢ ﺍﻟﻤﺤﻔﻈﺔ ﻋﺸﺎﻥ ﺃﺣﻂ ﻓﻴﻬﺎ فلوس ﻣﻠﻘﺘﺶ ﺍﻝ ٥ ﺟﻨﻴﻪ ﺍﺗﺨﻀﻴﺖ ﻭﻗﻠﺒﻲ ﺍﺗﻘﺒﺾ ، ﺍﻓﺘﻜﺮﺗﻬﺎ ﻭﻗﻌﺖ ﻣﻨﻲ ، ﻭﺑﻌﺪﻳﻦ ﺍﻓﺘﻜﺮﺕ ﺇﻧﻲ ﺻﺮﻓﺘﻬﺎ ﺍﻣﺒﺎﺭﺡ ﻭﻛُﻨﺖ ﻧﺎﺳﻲ ، ﻭﺇﻧﻲ ﻣﺶ ﻫﺸﻮﻓﻬﺎ ﻑ ﻣﺤﻔﻈﺘﻲ ﺗﺎﻧﻲ ، ﻭﺣﺴﻴﺖ ﺳﺎﻋﺘﻬﺎ ﺇﻧﻲ ﺯﻋﻼﻥ ..

وبدون أن أشعر كلمتها و صارحتها قائلا ﺻﺪﻗﻴﻨﻲ ﺃﻧﺎ ﻋﺎﺭﻑ ﺇﻥ ﺇﺣﻨﺎ ﻣﺶ ﻣُﻨﺎﺳﺒﻴﻦ ﻟﺒﻌﺾ ﻋﻴﻮﺑﻚ ﻛﺘﻴﺮ ﻭﻋﻴﻮﺑﻲ ﺃﻛﺘﺮ ﻭﻣﻜﻨﺎﺵ ﻣﺴﺘﺤﻤﻠﻴﻦ ﺑﻌﺾ ﺃﺳﺎسا ..

ﺑﺲ ﺩه ﻣﻴﻤﻨﻌﺶ ﺇﻧﻲ ﻛُﻞ ﻓﺘﺮﺓ ﺑﻔﺘﺢ .." ﻣﺤﻔﻈﺘﻲ " ﻭﺃﺩﻭّﺭ ﻋﻠﻴها
ﺟﻮﺍﻫﺎ ..

و كمان ﺩه ﻣﻴﻤﻨﻌﺶ ﺇﻧﻲ ﻛُﻞ ﻣﺎ ﺑﺸﻮﻑ ﻭﺍﺣﺪﺓ ﺷﺒﻬا ﺑﺒﺘﺴﻢ ﻭﺃﻓﺘﻜﺮها ﻭهى ﺑﺘﻄلع ﻋﻴﻨﻲ ﻛُﻞ ﻳﻮﻡ ..

و ﻣُﻤﻜﻦ ﺃﻛﻮﻥ ﺍﺗﺨﻠﻴﺖ ﻋنها ﺣﻘﻴﻘﻲ و ﻣُﻤﻜﻦ ﺃﺑﻘﻰ ﻣﺶ ﻋﺎﻳﺰها ﺗﺮﺟﻌﻠﻲ ﺑﺲ ﺩه ﻣﻴﻤﻨﻌﺶ ﺇنها ﺑﺘﻮﺣﺸﻨﻲ
ﻭﺇﻧﻲ ﻣﻦ ﺣﻘﻲ ﺃﺣﻦ ﻛُﻞ ﻓﺘﺮﺓ ﻭﺃﻓﺘﻜﺮها
ﻭﺇﻧﻲ ﺣﻘﻴﻘﻲ ﻧﻔﺴﻲ ﺃﻃﻤّﻦ ﻋﻠﻴها ..

فجأه لقيت نفسي بجرى علي صاحبي ( صاحب الكشك )
وبسأله عنها ..

ضحك صاحبي وطلعهالي من الدرج وقالي تقريبا ماحدش عارف قيمتها غيرك وكأن الكل مش عايز يقتنع بيها عشان ترجع لك تانى ..

هى كذاك .. علاقتنا ببعض الناس في حياتنا شبيهه بالعلاقه دي ، و فيه ناس في حياتنا ماحدش بيعرف قيمتهم غيرنا ، ومهما اتعاملوا مع الناس التانية مش هيلاقوا حد بيحبهم زينا ولا محتاجهم زينا ولا هيبقوا معاهم زينا ..