الثلاثاء 21 سبتمبر 2021 01:30 مـ
الجارديان المصرية

رئيس مجلس الإدارة ورئيس التحرير عبد النبى عبد الستار

مقالات

رضوى الهوارى تكتب : نسل الاغراب..مسلسل (واقع ..وبعيد عن الواقع)

الكاتبة رضوى الهوارى
الكاتبة رضوى الهوارى

هذا رأي في (نسل الأغراب) وهو رأي شخصي لاني لافهم في نقد العمل وليس تخصصي النقد ولكن بما اني صعيديه النشأه فهذا المسلسل غير واقعي تماما و في أفوره غير مفهومه.وليس يمت للواقع بأي صله فالصعيد مش كدا علي الأطلاق ولا فيه كميةالسفه واللغط الموجود ف المسلسل .
اذاي أخو عساف يروح يشتغل مع اللي قتل ابوه وامه و سجن اخوه؟ هل يمكن ان يحدث هذا في صعيد مصر. هل تضرب اخت الزوج زوجة اخيها وهو واقف مثل النطع .هل هذا يحدث في صعيد مصر؟؟
ازاي ف ابن يكره والده بالشكل دا مع انه لم يراه من قبل.هل هذا يحدث في عصب ونسب صعيد مصر ؟؟ وهل اخو الزوجه يعلم بتجارة زوج اخته بالافيون والمخدرات ولازال علي راس عمله كرئيس مباحث
ازاي مسلسل كامل قايم علي الكره و الحقد والغل وتجارة المخدرات والقتل والخطف بدون اي رسايل انسانيه تصل
الي المشاهد انا لحد الان مش فاهمه اي الهدف من المسلسل اللي كان المفترض يكون مسلسل قوي وواقعي بحكم اعمالك السابقه التي خطفتنا
كمشاهدين واختيارك لتامر حسني لغناء تتر المسلسل لعمل صعيدي غير موفق كان هيبقي احسن لو اضفت صوت علي
الحجار الي هزنا في ذائب الجبل الموسيقي التصويرية للمسلسل حاجة كدا زي المارشات العسكريه وحشه جدا وبعيده تماما عن الجو الصعيدي .ثم ايه البزخ وكميه
العربيات دي وليه كل مشهد لازم مشادات وعنف وحزق وريأكشانات زياده عن اللزوم وكل مشهد تقريبا بيكون عباره عن مواجه بين الممثل والتاني وكأنهم بيعضوا بعض وكل واحد بيأفور جدا لحد ما واحد يكسب التاني ف الكلام
للأسف العمل بعيد تماما عن الدراما الصعيديه بكل المقاييس
عمل غير موفق بالمره وبصراحه بالنسبه لاعمالك السابقه =صفر كبير وشهادة
حق ان المسلسل بالكامل مفهوش حد بيمثل بتلقائية أو إتقان غير " دياب و احلام الجريتلي رحمة الله عليها " . ودور اخو عساف الي بكل
اسف ماأعرفش اسمه .واري نضج ملحوظ وتقدم رائع في التمثيل للموهوبه ريم سامي .اتمني قبل الدخول في عمل صعيدي العودة الي العمالقه الذين امتعونا مثل عبد الله غيث واحمد عبد العزيز ورياض الخولي وان تذهب الي دوله الصعيد وتدخل بيوتها وتري كيف تكون الاصاله والرجولة والكرم والشهامة .صعيديه وأفتخر